Manchester City nuk e ka pasur të vështirë kualifikimin në çerekfinale të Ligës së Kampionëve duke arritur ta eliminojë Schalken pas fitores edhe në Etihad Stadium.
Skuadra angleze fitoi me rezultat 3-2 në Veltins Arena, ndërsa pas fitores në terren vendas (7-0), vazhdon tutje me rezultat të përgjithshëm prej 10-2.
Sergio Aguero e hapi serinë e golave duke e konvertuar një penallti (35'). I njëjti futbollist, vetëm tri minuta më vonë e dyfishoi epërsinë (38').
(Foto: Stu Forster/Getty Images/Guliver)
Pa përfunduar pjesa e parë (42'), vendasit shënuan edhe një gol, ndërsa autor ishte Leroy Sane.
City vazhdoi të shënonte gola në pjesën e dytë, ndërsa Raheem Sterling ishte i pari që realizoi në këtë fraksion (56'), ndërsa ky ishte goli i katërt për nikoqirët.
(Foto: Stu Forster/Getty Images/Guliver)
Bernardo Silva ishte lojtari i radhës që shënoi (71'), derisa Phil Foden realizoi për 'setin' e parë (78'). Gabriel Jesus ishte futbollisti që e vendosi rezultatin përfundimtar në këtë ndeshje me golin e shtatë për ekipin anglez (84').
Ishte kjo një paraqitje bindëse e ekipit të Pep Guardiolas që do të shpresojë të shkojë sa më larg këtë edicion në Ligën e Kampionëve. /Telegrafi/
https://www.dailymotion.com/video/x742zgv
https://www.dailymotion.com/video/x742z0i
https://www.dailymotion.com/video/x742zf7
https://www.dailymotion.com/video/x7431gx
https://www.dailymotion.com/video/x7431zc
https://www.dailymotion.com/video/x7431s9
https://www.dailymotion.com/video/x743228
