Christina Aguilera u pa gjatë një daljeje të rrallë publike me të fejuarin e saj 37-vjeçar Matthew Rutler të martën pasdite (25 tetor).
Të dy u panë në Beverly Hills teksa prisnin për të marrë kafe.
Nëna e dy fëmijëve, 41 vjeçe, ishte me veshje sportive nga “Puma”, kapelë “Balenciaga” dhe syze.
Partneri i saj kishte veshur një pulovër me vija me xhinse të zeza dhe atletet sportive.
Dyshja filluan të takoheshin për herë të parë në vitin 2009 kur u takuan në xhirimet e filmit të saj “Burlesque”, ku luajti Cher.
“Matthew është një person i veçantë. Ne kishim një miqësi vërtet të fortë në film”, kishte deklaruar ylli për People në vitin 2010.
“Ai është lloji i personit me të cilin mund të kaloni orë të tëra në telefon duke folur dhe papritmas është ditë. Sapo bëra kërkesë për divorc nga Jordan Bratman, filluam të takoheshim”, kishte deklaruar tutje Aguilera.
Ata mirëpritën një vajzë të quajtur Summer Rain Rutler në 2014.
Aguilera ndërkohë ka qenë e përfolur së fundmi për rikthimin e një hiti të vjetër.
Ajo trajtoi çështjen e ndikimeve negative të mediave sociale tek fëmijët në një video të re të fuqishme për hitin e saj të vitit 2002 “Beautiful”, të cilin e rikrijoi dhe e ripublikoi në fillim të kësaj jave.
Mesazhi është jetik për Aguilerën pasi ajo ka dy fëmijë, Max, 14 dhe Summer.
Max Liron lindi nga martesa e saj e parë me Jordan Bratman dhe vajza e saj, Summer Rain, është fëmija i saj i parë me të fejuarin e saj aktual Rutler.
Versioni i vitit 2002 shfaqte njerëz që luftojnë me çrregullimet e të ngrënit, dismorfinë trupore, racizmin dhe homofobinë.
Versioni i ri tregon fëmijë nga sfera të ndryshme të jetës, të cilët janë nën presion nga standardet e mediave sociale, nga problemet e imazhit të trupit te abuzimi me substancat dhe mbështetja në grim për t'u ndjerë bukur.
Të dy versionet e videos promovojnë mesazhin e vetëpranimit dhe dashurisë.
Të dy versionet përfundojnë me të gjithë duke kapërcyer mendimet e errëta dhe dhimbjen që po përjetojnë, duke dhënë një mesazh shpresëdhënës në lidhje me temën.
Kujtojmë që gjatë “Billboard Latin Music Awards 2022” të mbajtur në fund të shtatorit, Christina u nderua me çmimin “Spirit of Hope”.
Njohja e veçantë i jepet ose një artisti ose një grupi që kanë bërë punë të rëndësishme filantropike dhe humanitare jashtë industrisë së muzikës. /Telegrafi/
