Sport Futboll Ndërkombëtare

Chiellini pas finales në Coppa Italia: Do t’i them lamtumirë Juventusit, Interi ishte më i fortë

Para 3 vitesh

Giorgio Chiellini ka konfirmuar se do të largohet nga Juventusi këtë verë dhe përgëzon Interin pas finales së Kupës së Italisë, duke thënë se dëshmuan gjatë gjithë sezonit se janë më të fortë.

Ishte një finale dramatike e Coppa Italia në Stadio Olimpico, me Nicolo Barella që hapi rezultatin brenda shtatë minutave, më pas Alex Sandro dhe Dusan Vlahovic e kthyen atë me dy gola brenda dy minutave.

Një penallti e diskutueshme e Hakan Calhanoglu detyroi vazhdimet, duke lejuar Ivan Perisic të dilte në qendër të skenës me dy gola, duke përfshirë një supergol.

Juve gjithashtu humbi ndaj Interit në Serie A dhe në vazhdime për Superkupën e Italisë.

“Është zhgënjyese, veçanërisht pasi Interi sigurisht kishte më shumë topin, por ne kishim më shumë se raste të mjaftueshme. Mattia Perin në thelb nuk kishte për të bërë shumë pritje, ne pësuam dy gola fantastikë dhe dy penallti”, ka thënë fillimisht Chiellini.

“Interi dëshmoi gjatë gjithë sezonit se është më i fortë në të gjitha përplasjet kokë më kokë, kështu që kjo do të thotë diçka. Shpresoj se zemërimi i humbjes së tre nga katër ndeshjet kundër Interit do të na ndezë për sezonin e ardhshëm”.

“Ne e dimë që ju nuk e fitoni një Scudetto vetëm në ndeshjet e mëdha, por çdo ditë. Është për të ardhur keq ta mbyllim sezonin pa trofe pas një dekade, por ne duhet ta përdorim atë si karburant për sezonin e ardhshëm”.

FT | ⌛️ | Full-time at the Olimpico. Congratulations to Inter.#JuveInter #CoppaItaliaFrecciarossa #ForzaJuve pic.twitter.com/Ig00qEJPfT

— JuventusFC 🇬🇧🇺🇸 (@juventusfcen) May 11, 2022

Është sezoni i parë që nga 2010/11 që Juventusi përfundon pa trofe, sezon ky i përjetuar nën drejtimin e Gigi DelNerit.

“Ne e dimë që diçka nuk funksionoi, ka pasur një proces përmirësimi, por në ballë për ballë pamë që nuk ishim aq të fortë sa të tjerët”.

“Me gjithë respektin e duhur, Milani nuk është një skuadër aq e fortë sa Interi, megjithatë ata janë përpara tani. Kjo do të thotë se duhet më shumë sesa thjesht cilësi dhe kësaj skuadre i mungon diçka për sa i përket vendosmërisë, urisë që karakterizoi Juventusin gjatë gjithë këtyre viteve dhe duhet gjetur sa më shpejt”.

🗣 @chiellini: “I give way to the youngsters, as next year I will not be here. On Monday I will say goodbye to my stadium, and Fiorentina will be my last match. I say goodbye with joy to this team, of which I will be the biggest fan, because Juve will always stay with me."

🤍🖤 pic.twitter.com/J4hDB40hmP

— JuventusFC 🇬🇧🇺🇸 (@juventusfcen) May 11, 2022

“Ka epoka dhe unë e kalova atë, isha aty me dy sezone në vendin e shtatë, epoka e mëparshme kishte përfunduar dhe e reja duhej të dilte. Ne duhet të jemi të vetëdijshëm për këtë”.

“Unë mendoj se trajneri është personi më i mirë për ta transferuar atë ADN në skuadër në të ardhmen dhe kjo skuadër nuk mund të përballojë të përfundojë një sezon tjetër pa trofe”.

Chiellini kishte refuzuar të diskutonte të ardhmen e tij para finales, por tani është i lirë të konfirmojë se do të largohet në fund të këtij sezoni.

“Kemi pasur këto 10 vite të mrekullueshme, është në dorën e djemve të vazhdojmë tani. Bëra gjithçka që munda, shpresoj se kam lënë diçka. Të hënën do t’i them lamtumirë stadiumit tim të Juventusit”.

“Është zgjedhja ime 100 për qind, jam i lumtur që largohem në një nivel kaq të lartë, sepse për shumë vite kam thënë se nuk doja të mbaroja vështirësitë dhe të mos isha në gjendje të luaja në nivelin tim”.

“Kam dhënë gjithçka, së shpejti do të jem tifozi më i madh i Juventusit nga jashtë. Pas kaq shumë vitesh brenda këtij klubi, nuk mund ta heqësh atë”, përfundoi italiani. /Telegrafi/