Chelsea shfryhet në ekipin e themeluar në vitin 2017 – ia shënon tetë gola

Chelsea ka fituar 8-0 përballë Noah në kuadër të rrethit të tretë në Ligën e Konferencës.

Pas 12 minutash lojë, Tosin Adarabioyo kaloi Blutë në epërsi me një asistim nga Enzo Fernandez.

Pas vetëm një minute, Marc Guiu realizoi për 2-0.

Pesë minuta kaluan dhe Chelsea shënoi edhe të tretin, kur Enzo Fernandez asistoi sërish, por tani për Axel Disasin.

Në minutën e 21-të, Enzo kompletoi het-trikun e tij të asistimeve, kur e gjeti në mënyrë perfekte Joao Felixin.

Tani ishte radha për Mykhaylo Mudryk (39’) që të futej në listën e realizatorëve, me një asistim nga Christopher Nkunku për 5-0.

Felix realizoi edhe golin e dytë personal, me një asistim nga Disasi nëminutën e 41-të.

Chelsea e ndali hovin në pjesën e dytë, duke shënuar vetëm dy gola.

Nkunku ishte ai që i realizoi që të dyja, duke shënuar në minutën e 69-të dhe më pas nga penalltia në të 76-ën.

Chelsea vazhdon si lidere në Ligën e Konferencës me nëntë pikë, ndërsa në xhiron e katërt përballen me Heidenheim. /Telegrafi/