Chelsea ka fituar me rezultat të thellë 3-0 ndaj West Bromwich Albionit në ndeshjen e vlefshme për javën e 27-të të Ligës Premier.
Skuadra e Antonio Contes i është kthyer fitores në kampionatin anglez pas dy humbjeve turpëruese ndaj Bournemouthit dha Watfordit.
Blutë e Londrës e kanë mposhtur WBA-në në një ndeshje të dominuar totalisht në të dy pjesët e lojës.
Hazard feston golin e parë me Giroudin (Getty Images)
Goli i parë i ndeshjes erdhi në minutën e 25-të të ndeshjes dhe shënues ishte ylli i skuadrës Eden Hazard, i cili shënoi për 1-0 pas asistimit nga Olivier Giroud dhe me këtë rezultat skuadrat shkuan në pushim edhe përkundër rasteve të shumta nga të dyja skuadrat.
Edhe në pjesën e dytë, Chelsea arriti të dominoj duke shënuar edhe dy gola tjerë, ku i pari në këtë pjesë erdhi në minutën e 63-të, ku shënues ishte Victor Moses për 2-0.
Moses dhe festa e tij me akrobacione (Getty Images)
Luhej minuta e 71-të e ndeshjes ku në pah del përsëri ylli kryesor i ekipit, Hazard, i cili shënoi një supergol për 3-0 dhe vulosi fitoren dhe rezultatin përfundimtar të ndeshjes.
Hazard shënoi një supergol (Getty Images)
Pas kësaj fitore, Chelsea ngjitet në pozitën e katërt në tabelë me 53 pikë, ndërsa WBA mbetet në vendin e fundit me vetëm 20 pikë.
Në ndeshjen e radhës, Blutë udhëtojnë drejt Manchester Unitedit, ndërsa WBA e pret në shtëpi Huddersfieldin. /Telegrafi/
