Chelsea dhe Manchester United përplasen për të njëjtin objektiv

Victor Osimhen vazhdon të jetë një nga sulmuesit më të vlerësuar në futbollin evropian.

Sulmuesi nigerian vjen pas një sezoni të jashtëzakonshëm ku arriti me 26 golat e tij t’i siguroj titullin e kampionit Napolit.

Por kontrata e lojtarit me Napolin skadon në verën e vitit 2025 dhe ende nuk ka një marrëveshje për rinovimin e saj, derisa Chelsea dhe Manchester United janë duke monitoruar situatën e nigerianit me Napolin.

Lexo po ashtu Agjenti i Osimhen i quan ‘lajme të rrejshme’ thashethemet për klientin e tij

Kërkesat e Napolit për ta lënë të lirë nigerianin janë 200 milionë euro, por kjo shumë duket e ekzagjeruar dhe dy skuadrat angleze nuk janë në gjendje të paguajnë atë shumë.

Megjithatë mediat në Ishull kanë raportuar se nëse Osimhen nuk e vazhdon kontratën, atëherë De Laurentis mund të lejoj largimin e tij edhe për një shumë më të ulët se 200 milionët që pretendon ai të fitoj nga shitja e nigerianit.

Lexo po ashtu “Vetëm PSG mund ta përballoj blerjen e Osimhen”, De Laurentiis zbulon shifrën e çmendur që kërkon për sulmuesin

Përveç dy gjigantëve anglezë, në garë për Osimhen janë edhe kampionët në fuqi të Francës, PSG dhe ata gjerman Bayern Munich.

24-vjeçari ka tre vite që është pjesë e Napolit, derisa në 101 ndeshje zyrtare ka realizuar 59 gola dhe ka asistuar në 14 të tjerë. /Telegrafi/