Çfarë do të paraqesë Apple në ngjarjen e saj që do të mbahet sot?

Apple ka në plan të prezantojë produkte të reja sot. iPhone 12 ndoshta nuk do të jetë mes tyre.

Apple zakonisht prezanton iPhone të rinj në shtator.

Në ngjarjen e Apple të shpallur të martën (sot), do të jetë ndryshe.

Për shkak të vonesave të prodhimit si rezultat i pandemisë së coronavirusit, iPhone 12 do të paraqitet së pari në mes të tetorit.

Por përveç telefonit të ri, Apple ka mjaft produkte të tjera në pritje.

Apple Watch i ri dhe më i lirë

Ftesa për ngjarjen thotë “Koha fluturon” (Times Flies). Kjo sugjeron që Apple Watch është në qendër të ngjarjes. Pritet një Apple Watch Series 6, i cili duhet të sjellë jetë më të mirë të baterisë, përkujdesje më të madhe për shëndetin tuaj, dhe kjo e gjitha falë teknologjisë së saj më të re, transmeton Telegrafi.

Është gjithashtu e mundur që Apple të prezantojë një version më të lirë të Apple Watch. Mund të quhet Apple Watch SE, por të ketë një procesor më të shpejtë.

Sipas CNet , ai mund të jetë i disponueshëm për 200 dollarë.

Përditësimi për iPad Air

iPad Air duhet gjithashtu të marrë një azhurnim. Flitet për një ekran më të madh pa kornizë dhe një dizajn të ngjashëm me iPad Pro. Kjo do të thotë se butoni i shtëpisë zhduket. Sidoqoftë, njohja e fytyrës nuk duhet të përdoret për të zhbllokuar iPad Air.

iPad Air duhet gjithashtu të ketë një procesor më të mirë.

Softuer i ri

Me orët e reja iPad të ri, duhet të lëshohen edhe versionet më të fundit të sistemeve operative Apple, të cilat kanë qenë në testin publik beta për një kohë të gjatë.

Mund të paraqiten edhe kufje AirPods Studio, një version më i vogël i altoparlantit inteligjent HomePod, HomePod Mini, një MacBook Pro 13 inç dhe – më pak të ngjarë – syzet e realitetit të shtuar të shumëpritur nga Apple.

Ngjarja e Apple fillon të martën në orën 19:00 pasdite me kohën e Evropës Qendrore. /Telegrafi/