Çfarë do të ndodhte nëse Real Madrid, Barcelona dhe Juventus përjashtohen nga Liga e Kampionëve?

Para 3 vitesh

Duket se Superliga Evropiane është dërguar në librat e historisë, ku kishte një javë dramatike, ndërsa tani duket e mbaruar dhe pjesërisht e harruar, por kjo gjë nuk është duke i lënë ende tri klube rehat.

UEFA ka hapur procedurë disiplinore për sezonin e ardhshëm ndaj Real Madridit, Barcelonës dhe Juventusit, që mund të përjashtohen nga Liga e Kampionëve pasi kanë refuzuar të heqin dorë nga projekti i Superligës.

UEFA ka hapur procedurë disiplinore kundër tre klubeve të cilët ende nuk kanë braktisur planin, ndërsa nëntë klube bashkëthemeluese janë larguar dhe janë falur nga UEFA me disa dënime të vogla.

Nëse UEFA vendos të përjashtojë tre klubet nga garat e saj për klube në sezonin 2021/22, kjo gjë do të kishte një ndikim të madh jo vetëm për vetë klubet, por edhe për turnet dhe ekipet e tjera gjithashtu.

Kush do ta zinte vendin e tyre?

Pyetja e parë e madhe nga të gjithë është: nëse këto tre klube përjashtohen nga Liga e Kampionëve për edicionin 2021/22, për të cilën të gjitha janë kualifikuar për në fazën e grupeve, kush do të zërë vendin e tyre?

Përgjigja është mjaft e thjeshtë, pasi vendet që do të shkojnë do të jenë skuadra nga ligat e tyre, me klubet që kanë kaluar në Ligën e Evropës.

Në Serie A, kjo do të nënkuptojë që Napoli i pozicionuar në vendin e pestë do të promovohet nga Liga e Evropës në Ligën e Kampionëve, ndërsa Roma do të kualifikohej në Ligën e Evropës, ndërsa Sassuolo do të merrte pjesë në Conference League.

Nga La Liga, dy skuadra do të përjashtoheshin, që nënkupton se do të kishte më shumë lëvizje, duke përfituar më shumë klube.

Real Sociedad dhe Real Betis , të cilët janë kualifikuar për në Ligën e Evropës nga pozicionet e tyre në kampionat, do të bashkoheshin me Atletico Madridin dhe Sevillan në Ligën e Kampionëve.

Villarreal, siç qëndrojnë gjërat do të garojë në Conference League nëse nuk arrijnë të mposhtin Manchester Unitedin në finalen e Ligës së Evropës.

Nëse përjashtohen Reali dhe Barcelona, atëherë ata do të ngjitet në Ligën e Evropës, ku do të bashkohen me Celta Vigon, ndërsa Granada do të hynte në Conference League.

Ndikimi financiar

Problemet financiare të Barcelonës nuk janë sekrete dhe një sezon pa futboll në Ligën e Kampionëve – diçka që ata kurrë nuk mund ta kishin imagjinuar – do të ishte katastrofik.

Real Madrid dhe Juventus gjithashtu do të ndienin goditjen, një nga më të padëshiruarit pas një sezoni pa tifozë në stadiume dhe të ardhura të reduktuara që vijnë nga kriza.

Nga ana tjetër, nëse treshja e Superligës sanksionohet me një ndalim për një vit, një numër klubesh pritet të fitojnë një rritje të konsiderueshme financiare.

Napoli, Betis dhe Real Sociedad do të kishin akses pastaj në pasuritë e Ligës së Kampionëve, ndërsa Celta, Villarreal, Granada, Roma dhe Sassuolo gjithashtu do të përfitonin nga rritja për një kategorie në garë, që do të thoshte rritja e të ardhurave për ta.

Liga e Kampionëve pa Real Madridin, Barcelonën dhe Juventusin

Është pothuajse e vështirë të imagjinohet Liga e Kampionëve pa ndonjë nga këto tre klube, të cilët kanë fituar garën 22 herë mes tyre.

Këto janë tre klube që janë pothuajse sinonim i lojës evropiane për klube dhe që pothuajse nuk kanë munguar kurrë në garat kontinentale.

Barcelona ka luajtur futboll evropian çdo sezon të mundshëm, me përjashtim të sezonit 1956/57, ndërsa Real Madrid humbi vetëm sezonet 1977/78 dhe 1996/97.

Ndërkohë, Juve është i vetmi klub që ka fituar të gjashtë turnetë e UEFA-s: Ligën e Kampionëve, Ligën e Evropës, Kupën e Fituesve të Kupave, Kupën Intertoto, Super Kupën dhe Kupën Ndërkontinentale.

Thënë kjo, për vetëm një vit, futbolli do të humbiste shumë, por ka akoma shumë klube të tjera të mëdha që do ta bënin Ligën e Kampionëve 2021/22 po aq emocionuese edhe në mungesë të këtyre tri klubeve.

Vlen të përmendet gjithashtu se nga të tre, vetëm Real Madrid arriti deri në çerekfinale të edicionit 2020/21 të këtij turneu, duke u mposht nga Chelsea.