Çfarë është kartoni i gjelbër në futboll dhe çfarë ndodh kur një lojtar merr një të tillë?

Të gjithë e dimë se kartonët e verdhë dhe të kuq janë një pjesë normale e futbollit, por a e dini se ekziston edhe një karton i gjelbër?

Në janar, një arbitër bëri histori pasi shfaqi kartonin e bardhë për herë të parë gjatë ndeshjes së Sporting Lisbonës kundër Benficas.

Kartoni i bardhë u krijua për të respektuar lojën e ndershme gjatë ndeshjeve. Është projektuar me shpresën se do të promovojë vlerat etike në sport.

Lexo po ashtu Jepet kartoni i parë i bardhë në histori të futbollit - ka një kuptim të çuditshëm

Në qershor 2018, kartoni i gjelbër u përdor për herë të parë gjatë kampionatit CONIFA, i cili është një turne për ekipet ndërkombëtare që nuk janë të lidhura me FIFA-n.

Gjatë ndeshjes, gjyqtari e ndërpreu ndeshjen dhe i tregoi një lojtari kartonin e gjelbër dhe e urdhëroi të largohej nga fusha.

Sipas rregullores së CONIFA-s, “një lojtar që merr një karton të gjelbër duhet të largohet menjëherë nga fusha e lojës, por mund të zëvendësohet nëse ekipi i tij nuk ka përdorur të gjithë zëvendësuesit e tij. Një lojtar që merr një karton të gjelbër nuk përjashtohet nga ndeshja e ardhshme e ekipit të tij”.

As equipas médicas de Benfica e Sporting receberam cartão branco após assistirem uma pessoa que se sentiu mal na bancada 👏 pic.twitter.com/ihin0FAlJF

— B24 (@B24PT) January 21, 2023

Organizatori i turneut, Paul Watson foli për Sky Sports për përdorimin e kartonit të gjelbër.

“Ne me të vërtetë do të dëshironim të zvogëlojmë problemin e mospajtimit. Futbolli e ka problem mungesën e respektit për gjyqtarët”, ka thënë ai.

“Kjo nuk do të thotë se nuk është gjithashtu rasti në ndeshjet e CONIFA – lojtarët në turneun tonë ende i kanë ato tipare”.

The first use of a green card by a referee was the big talking point at the CONIFA World Football Cup in London on Saturday: https://t.co/qMX0E8FKpI #WFC2018 pic.twitter.com/17AVtrYsPC

— Sky Sports Football (@SkyFootball) June 3, 2018

“Por, do të ishte mirë që, në vend që të injorohet dhe për këtë arsye në një farë mënyre të falet, nuk duhet t’i kushtojë domosdoshmërisht dikujt shansin e tij për të luajtur në këtë turne, nëse ata thjesht humbasin qetësinë e tyre”.

Jens Jockel, presidenti i CONIFA-s në Azi shtoi: “Ne kemi pasur disa probleme të vogla në të kaluarën, me disa kartonë të kuq në fund të një loje – kryesisht kur ekipet e kuptuan se nuk mund të vazhdonin dhe e gjenin veten duke humbur shumë me 10 minuta të mbetura”.

“Është një ide shumë e mirë se si të sanksionohen gjërat që mund të mos jenë të denja për një karton të kuq. Më shumë si gabime personale – përdorimi i sharjeve, mosrespektimi i spektatorëve dhe trajnerëve e kështu me radhë. Është një mënyrë e përsosur për të gjetur diçka në mes”. /Telegrafi/