Castagne ishte vetëm 3 cm larg nga dëmtimi që mund t’i jepte fund karrierës, gjashtë orë zgjati operacioni i tij në gropën e syrit

Timothy Castagne ishte brenda 3 centimetrave nga një dëmtim i tmerrshëm që mund t’i jepte fund karrierës së tij, pasi ai pësoi një përplasje koke me Daley Kuzyaev gjatë fitores rutinë të Belgjikës me rezultat 3-0 ndaj Rusisë në ndeshjen e tyre hapëse të grupeve në Euro 2020.

Lëndimi i belgut fillimisht u diagnostikua si një frakturë e dyfishtë, por trajneri Roberto Martinez që atëherë ka zbuluar se kishte ‘tre ose katër’ thyerje në gropën e syrit të djathtë të Castagne, pasi pa skanimet e tij me ‘rreze X’ ndërsa po trajtohej në Shën Petersburg të Rusisë.

Sipas raporteve në Belgjikë, mbrojtësi i Leicester Cityt u detyrua të durojë një operacion gjashtë orësh në syrin e tij i cili ka bërë që ai të përjashtohet nga veprimi për tetë javë dhe të humb vazhdimin e Euro 2020.

Kjo kornizë kohore siguron që Castagne po përballet me një garë kundër kohës për t’u kthyer në kohën e duhur për ndeshjen hapëse të sezonit të Foxes më 14 gusht në Ligën Premier.

Fillimisht kishte frikë se mbrojtësi do të përballej me një pritje për operacionin që do të ndodhte pasi mjekët ishin të shqetësuar për ënjtjen rreth syrit të tij, por operacioni i tij shkoi pa pengesa.

Largimin nga kampi stërvitor dhe kombëtarja e Belgjikës e ka konfirmuar edhe menaxheri Roberto Martinez.

“Castagne tashmë është larguar nga kampi stërvitor. Ai do të shkojë për një konsultë me specialistin të martën”, ka thënë fillimisht Martinez.

Belgium's Timothy Castagne's horror head injury was '3cm from his ending career'https://t.co/dDyotJtNht pic.twitter.com/HKqLE6cJXl

— Daily Star Sport (@DailyStar_Sport) June 17, 2021

“Në imazhe, ne kemi qenë në gjendje të shohim se nuk janë dy, por tre ose katër fraktura”.

“Ai do të shërohet në mënyrë të përsosur, por kjo do të zgjasë rreth gjashtë javë”, përfundoi menaxheri i Belgjikës. /Telegrafi/

https://www.youtube.com/watch?v=2ogmn-LR5MQ

Luani dhe fitoni shpërblime këtu >

Më shumë lajme nga kampionati Euro 2020 >
—