Cardi B viziton shkollën e saj fillore në Bronx të New Yorkut dhe u dhuron 100 mijë euro

Teksa fëmijët që po kthehen në shkollë në të gjithë vendin, një grup nxënësish në “The Bronx” morën një surprizë të veçantë të martën (12 shtator) nga reperja, Cardi B.

Reperja 29-vjeçare, emri i vërtetë i të cilës është Belcalis Marlenis Almanzar u kthye në I.S.232 në lagjen Morris Heights të Brooklynt, ku kishte ndjekur shkollën fillore, shkruan DailyMail.

Ajo jo vetëm që i befasoi nxënësit me paraqitjen e saj, por gjithashtu i dhuroi shkollës një shumë të madhe prej 100 mijë dollarësh (100 mijë euro).

Ardhja e saj në shkollë u kap nga një mike e gazetares së NBC në New York, Kay Angrum, e cila tha se ishte mësuese në shkollë.

Videoja tregon reperen – e veshur me një minifustan të kuq duke mbërritur në shkollë dhe duke përshëndetur grupet e studentëve që brohorisnin.

Ajo reflektoi për kohën e saj në shkollë, duke zbuluar se shumë nga mësuesit e treguan ndaj saj të ashpër.

“Shumë nga mësuesit ishin vërtet të ashpër me mua sepse panë diçka tek unë”, tha reperi.

HAPPENING NOW: Cardi B announces she’s donating $100K to I.S. 232 in the Bronx, where she used to be a student. @NBCNewYork #nbc4ny pic.twitter.com/2w597RKWhz

— Kay Angrum (@kayangrum) September 13, 2022

“Isha si një fëmijë i keq, por isha shumë e veçantë për shumë prej këtyre mësuesve dhe i mbaja ende në zemrën time”, shtoi ajo.

Ndërsa paraqitja e saj ishte planifikuar, donacioni prej 100 mijë dollarësh me sa duket i kapi të gjithë në befasi, sipas Departamentit të Arsimit të qytetit të New Yorkut.

“Ne jemi të emocionuar të mirëpresim Cardi B në shtëpi në I.S.232 në Bronx dhe jemi shumë mirënjohës për kontributin e saj bujar”, tha kancelari i shkollave David Banks në një deklaratë.

“Angazhimi i Cardi B prej 100 mijë dollarësh për artet do t’i ndihmojë fëmijët e shkollës të ngjiten në lartësitë e tyre më të madhe”, shtoi Banks.

Paraqitja e saj erdhi vetëm disa ditë pasi u shfaq në një shkollë tjetër në Queens në një ngjarje për Zhvillimin e Kapaciteteve të Komunitetit.

Organizata ndau një video të saj duke folur në këtë ngjarje për edukimin e saj dhe duke ndarë aftësitë që do të dëshironte të kishte kur ishte duke u rritur.

‘Kjo është ajo që nënkuptojmë kur themi “përfaqësim”. Cardi B foli për rritjen në një lagje me të ardhura të ulëta dhe për ta parë shkollimin e saj si një rrugëdalje”, thuhet në postimin e tyre në Twitter.

“Ne e vlerësojmë origjinalitetin e saj dhe mezi presim të ndajmë më shumë me ju rreth vizitës së saj”, ka shkruar organizata. /Telegrafi/