Burri zbulon ‘fjalët e fundit rrëqethëse’ të gruas që gjendej në aeroplanin që u përplas me një helikopter në Uashington

Një burrë, gruaja e të cilit ishte në aeroplanin e American Airlines, ka zbuluar mesazhet e fundit, para përplasjes së aeroplanit.

Sipas Daily Mail, përcjell Telegrafi, Hamaad Raza zbuloi se gruaja e tij 26-vjeçare ishte në bordin e fluturimit tragjik nga Wichita, Kansas në Uashington kur u përplas me një helikopter ushtarak pak para orës 21:00 të mërkurën mbrëma.

Shërbimet e urgjencës në qytet po kërkojnë lumin Potomac pranë aeroportit pas aksidentit.

Lexo po ashtu Ky thuhet të jetë momenti i përplasjes së një aeroplani me pasagjerë dhe një helikopteri ushtarak pranë një aeroporti të Uashingtonit

“Unë thjesht po lutem që dikush ta nxjerrë atë nga lumi tani, ndërsa flasim. Kjo është gjithçka për të cilën mund të lutem, thjesht po i lutem Zotit”, tha Raza për WUSA9.

Raza zbuloi se aeroplani ishte aq afër uljes, saqë gruaja e tij ishte në gjendje t’i dërgonte mesazhe, pak para rrëzimit.

Raza më pas i tregoi reporterit, i cili e përshkroi atë si ‘një nga intervistat më prekëse të karrierës profesionale’ atë që ai i kishte dërguar asaj në telefonin e tij.

Lexo po ashtu Detaje dhe pamje - krejt çfarë dimë deri tani rreth përplasjes së aeroplanit me pasagjerë me një helikopter ushtarak në Uashington

“Ajo më dërgoi mesazhe se do të uleshin pas 20 minutash. Pjesa tjetër e teksteve të mia nuk shkuan dhe atëherë kuptova se diçka mund të mos ishte në rregull’, tha ai.

Burri tha se gruaja e tij kishte shkuar në Wichita për punë, por se ajo kurrë nuk ishte ndjerë rehat duke fluturuar.

Lexo po ashtu Detaje dhe pamje - krejt çfarë dimë deri tani rreth përplasjes së aeroplanit me pasagjerë me një helikopter ushtarak në Uashington

Raza dhe një anëtar i familjes po kalonin me ankth përmes Terminalit 2 në Aeroportin Reagan duke pritur për ndonjë lajm.

Ndryshe, linja ajrore ka konfirmuar se kishte 60 pasagjerë dhe katër anëtarë të ekuipazhit në bordin e fluturimit 5342 nga Wichita, Kansas, për në Capital kur ndodhi përplasja.

Aeroplani thuhet se është ndarë në dysh dhe është në rreth 7 metra ujë, ndërsa helikopteri është me kokë poshtë.

E zyrtarët e mbrojtjes kanë konfirmuar se Black Hawk ishte një helikopter i ushtrisë që mbante tre ushtarë në atë kohë që ishin në një fluturim stërvitor.

Burime të zbatimit të ligjit i kanë thënë CNN se ka viktima të konfirmuara dhe se asnjë i mbijetuar nuk është nxjerrë ende. /Telegrafi/