Aktori i njohur turk, Burak Ozçivit, një nga emrat më të dashur për publikun shqiptar falë roleve të tij në seriale si "Kurulus: Osman", "Karasevda" dhe "Çalikusu", ka mbërritur në Shqipëri për disa ditë pushimi.
Ylli i madh i kinemasë turke ka zgjedhur pikërisht Vlorën, një ndër qytetet më të bukura bregdetare të vendit, për të kaluar momente relaksi pranë detit dhe natyrës shqiptare.
Burak është fotografuar nga stafi i një prej restoranteve të qytetit, ku ai është shfaqur me veshje sportive, i buzëqeshur dhe i thjeshtë.
Prania e tij në Shqipëri nuk ka kaluar pa vëmendje dhe shihet si një tjetër tregues i qartë i rritjes së imazhit të vendit tonë si një destinacion turistik gjithnjë e më i preferuar, jo vetëm për pushuesit vendas, por edhe për emra të njohur të ekranit ndërkombëtar.
Vitet e fundit, Shqipëria ka tërhequr gjithnjë e më shumë personazhe publike nga bota e artit, muzikës dhe kinemasë.
Vizita e Burak konfirmon njëherë e mirë se riviera shqiptare po bëhet një nga perlave më të lakmuara. /Telegrafi/
