Bruno Guimaraes nënshkruan kontratë të re me Newcastle United

Senzacioni brazilian, Bruno Guimaraes, do të nënshkruajë një kontratë të re me Newcastle United, që do të thotë se ai do jetë pjesë e klubit anglez deri në vitin 2028.

Sipas ekspertit Fabrizio Romano, këtë të shtunë, u konfirmua se braziliani është pajtuar me kushtet e marrëveshjes për një kontratë pesëvjeçare, dhe klubet të cilat janë të interesuara për shërbimet e Guimaraes duhet të paguajnë plotë 100 milionë euro.

EXCLUSIVE: Newcastle agree new deal with Bruno Guimarães, here we go! It’s done — contract until June 2028 🚨⚪️⚫️ #NUFC

⚠️ Key detail: understand the new deal will include release clause and it will be in the region of £100m.

Bruno, so happy to extend as he loves the club. pic.twitter.com/YI8CaCyeVs

— Fabrizio Romano (@FabrizioRomano) September 23, 2023

Më herët këtë muaj, u raportua se Liverpool ka shprehur interesim të lartë për të nënshkruar me mesfushorin, madje bënë një ofertë në regjionin e 100 milionë eurove e cila u refuzua nga drejtuesit e klubit anglez, të cilët nuk dëshironin që ta humbisnin njërin ndër futbollistët kyç të ekipit.

Guimaraes më herët ka qenë objektiv i Real Madrid, por që në fund transferimi nuk u realizua pasi që “Los Blancos” vendosën që të fokusohen tek afrimi i Aurelien Tchouameni.

25-vjeçari ende nuk e ka gjetur rrugën e golit këtë sezon, teksa në edicionin e kaluar ishte një ndër protagonistët kryesor duke qenë thelbësor në kualifikimin e Newcastle në Ligën e Kampionëve.

Guimaraes do të rikthehet në aksion këtë vikend, me skuadrën e tij që do të luajë në udhëtim ndaj Sheffield United./Telegrafi/