Britney Spears ka pranuar se ka tradhtuar ish të dashurin e saj Justin Timberlake me balerinin Wade Robson pas shumë vitesh thashetheme.
Ylli i popit, 41 vjeç, po tregohet e sinqertë për jetën e saj private në faqet e librit të saj të ri të kujtimeve "The Woman In Me", që do të publikohet më 24 tetor.
Thuhej se Britney dhe Justin u ndanë në vitin 2002 pas tre vitesh lidhje, sepse ajo kishte një lidhje me koreografin australian Wade, shkruan DailyMail.
Justin më vonë publikoi këngën e tij të famshme "Cry Me A River", e cila përfshin tekste që aludojnë për tradhti.
Sipas The US Sun, Britney konfirmon në librin e saj se ajo e puthi Wade gjatë një nate jashtë.
“Ne ishim jashtë një natë dhe shkuam në një bar spanjoll. Kemi kërcyer dhe kërcyer. Unë u afrova me të atë natë", shkruan ylli.
Britney gjithashtu shkruan se ajo i ishte besnike Justinit për vite me radhë 'me një përjashtim'.
Ylli zbuloi se i tha Justinit për puthjen e saj me Wade dhe ata ishin në gjendje ta kalonin atë dhe të qëndronin së bashku.
Në vitin 2001, Wade bëri koreografi të saj ikonike "Oops... I Did It Again" and "I'm A Slave 4 U", si dhe atë të koncertit në Las Vegas.
Britney tha për koreografin në Good Morning America në vitin 2000: "Ai është tamam si një fëmijë mrekulli, seriozisht... Ai është një gjeni. Ai është i mahnitshëm".
Megjithatë, marrëdhënia e tyre ishte jetëshkurtër dhe Britney dhe Wade ishin ndarë brenda vitit.
Wade kryesisht qëndroi jashtë vëmendjes pas kësaj, por u rishfaq në dokumentarin "Leaving Neverland" të vitit 2019, në të cilin ai detajoi abuzimin e supozuar që pësoi si fëmijë nga Michael Jackson.
Kjo vjen pasi Britney zbuloi se kishte një abort gjatë lidhjes së saj me Justin kur ishte vetëm 19 vjeç.
Ylli pohoi se ndërsa ajo donte fëmijën dhe 'ëndërronte të kishte një familje' me Justin, i cili ishte gjithashtu 19 vjeç në atë kohë, ai 'nuk ishte gati' për përgjegjësitë e prindërimit dhe mendonte se çifti ishin shumë të rinj.
Ylli tha se aborti ishte "një nga gjërat më dhimbshme që kam përjetuar ndonjëherë në jetën time". /Telegrafi/
