Britanikët qeshin me lot me hartat që parashikojnë stuhinë me formë të çuditshme e cila është në drejtim të Mbretërisë së Bashkuar

Një stuhi me formë të çuditshme e cila u pa në hartat e motit i ka bërë përdoruesit e Facebook të qeshin në mënyrë histerike.

Parashikuesit e motit postuan imazhe të stuhisë në internet, dhe përdoruesit e rrjeteve sociale shpejt e vunë re se ajo kishte një formë “si një penis”.

Stuhia në ardhje, Uragani Danielle, për momentin është në drejtim për ta goditur Evropën në ditët në vijim, duke sjellë shi të dendur dhe erëra të fuqishme në zonat e prekura, raporton Mirror, transmeton Telegrafi.

Në postim shkruhej: “Urganai Danielle është në drejtim të Evropës pas aventurës së saj në Atlantik dhe imazhet e postuara tregojnë se Danielle është në rrugën drejt Portugalisë. Ende ka shumë paqartësi se si do të ndikojë Danielle gjatë fundjavës dhe javës së ardhshme, por do të ju mbajmë të përditësuar”.

Rruga e stuhisë në fotografi shihet nga ora 14:00 e të mërkurës deri në mbrëmjen e të dielës, me Portugalinë e cila do ta marrë “majën” e stuhisë të dielën në mbrëmje.

Megjithatë, në vend se të ndjehen të shqetësuar në lidhje me motin e vrazhdë, shikuesit mbeten të shtangur nga pamja e pjerrët falike e hartës, e cila shkaktoi një sërë shakash.

Një person komentoi duke thënë: “Nuk mund të ndalem së qeshuri me formën e saj”.

“Do të fryjë shumë gjatë kësaj fundjave” tha një komentues tjetër.

“Sipas pamjes së saj duket të jetë një erë e fortë” u tall me fotografinë një përdorues.

Teksa një person tjetër tha: “Kjo duhet të jetë një shaka”. /Telegrafi/