Brenda bunkerit sekret në Kiev, ku Zelensky jeton që nga dita e parë e pushtimit rus në Ukrainë

Presidenti ukrainas Volodymyr Zelensky për herë të parë ka hapur dyert e dhomave të fshehta brenda një bunkeri në Kiev, ku ai jeton që nga dita e parë e pushtimit rus në Ukrainë.

Gjatë një interviste dhënë për gazetarin ukrainas Dmytro Komarov, Zelensky i tregoi ambientet ku ai jeton dhe nga ku merr vendimet më të rëndësishme për vendin, takimet dhe telefonat që i zhvillon me krerët e vendeve të ndryshme të botës, transmeton Telegrafi.

Ai rikujtoi edhe orët e para të luftës, ku e përshkroi momentin kur u fut me shpejtësi në dhomë, pasi u informua për pushtimin rus të Ukrainës më 24 shkurt të vitit të kaluar.

Lexo po ashtu Tri armët që ndryshuan rrjedhën e luftës në Ukrainë, dhe ia ndërprenë sulmet ushtrisë së Vladimir Putinit

“E dua familjen shumë, por si president i vendit, duhej të isha këtu”, tha ai në këtë intervistë.

Kjo intervistë vjen në kohën kur dy ditë më parë është shënuar viti i parë i fillimit të luftës në Ukrainë.

Madje nga kjo intervistë është shndërruar në një lloj dokumentari që do të titullohet “Viti”, ku Zelensky tregon dollapët e rrobave dhe këpucëve sikurse edhe dhomën e gjumit. /Telegrafi/