Bosi i mafias italiane që u arratis nga burgu me ndihmën e çarçafëve arrestohet në Francë

Bosi famëkeq i mafies Marco Raduano 40-vjeçar, i cili u arratis nga një burg i sigurisë së lartë në Itali vitin e kaluar duke përdorur çarçafë, është arrestuar sërish në Francë.

Raduano, i cili konsiderohet i rrezikshëm sipas listës së kriminelëve më të kërkuar të Europol-it, u arrestua në Bastia në ishullin francez të Korsikës, thanë autoritetet franceze dhe italiane, transmeton Telegrafi.

Europol: Raduano është një vrasës i pamëshirshëm

Në shkurt 2023, një mafioz u arratis nga krahu i sigurisë së lartë të Nuora në Sardenjë, duke përdorur metodën tradicionale të çarçafëve të lidhur për të zbritur murin.

Italian mafia boss Marco Raduano (L), who escaped from a maximum security prison in 2023, was arrested in France’s Corsica, while his right-hand man Gianluigi Troian, was arrested in Spain’s Granada pic.twitter.com/CdWka7DVJU

— TRT World Now (@TRTWorldNow) February 2, 2024

Raduano është kreu i klanit Gargano, i ashtuquajturi “Mafia e pestë” në Itali. Selia e Gargano ndodhet në Foggia, një provincë jugore në Pulia italiane. Raduano kreu një dënim me 24 vjet burg për krime të ndryshme, duke përfshirë pjesëmarrjen në një organizatë kriminale, trafik droge dhe armëmbajtje pa leje, raportoi Europol.

Europol tha se ai ishte drejtuesi dhe vrasësi i pamëshirshëm, përgjegjës për vrasje, trafik droge dhe zhvatje.

“Mafia e pestë”

Së bashku me Cosa Nostra-n në Siçili, ‘Ndrangheta’ në Kalabri, Camorro në Napoli dhe Sacra Corona Unita, hetuesit vitet e fundit kanë identifikuar organizatën kriminale me bazë në Pulia si një mafia të pestë. Thonë se kjo mafi vepronte nën radar.

Sipas prokurorëve, bëhet fjalë për një grup të karakterizuar nga një shkallë e lartë agresiviteti dhe dhune, “i cili ushqen me kufoma derrat për të mos lënë gjurmë”. “Kjo është një mafi që përdor metoda të papërpunuara dhe mizore dhe për këtë arsye është e rrezikshme”, thanë autoritetet, shkruan Guardian. /Telegrafi/