Borxhin prej 265 milionë dollarëve, Kuba dëshiron ta paguajë me rum (Foto)

Michael Zurovec, zëdhënës i Ministrisë së Financave në Çeki, ka thënë se zyrtarët e Havanës zyrtare i kanë ofruar rum në vlerë të 265 milionë euro.

Këtë shumë të parave, Kuba ia ka borxh Republikës Çeke, që nga koha e luftës së ftohtë, kur të dyja shtetet ishin pjesë e një blloku komunist, transmeton Telegrafi.

Meqenëse nuk ka mundësi ekonomike për të paguar në mënyrë monetare, është ofruar pija e famshme dhe e popullarizuar në mbarë botën, që prodhohet nga ky vend.

Po që se aprovohet ky propozim ‘alkoolik’, çekët përmbushin nevojat e rumit për pothuajse tërë shekullin.

Zyra e Statistikave ka bërë të ditur, se vetëm gjatë vitit të kaluar, ky vend evropian ka importuar nga Kuba, rum në vlerë të afro dy milionë eurove. Megjithatë, më shumë preferojnë të marrin paratë që i përkasin, se sa pijen e parapëlqyer.

Ndryshe, Korea e Veriut iu kishte ofruar para një kohe, që të paguante një borxh prej dhjetë milionë eurove, me anë të produkteve të krijuara nga xhenxhefili. /Telegrafi/