Bojken Abazi, aktivist i Lëvizjes Vetëvendosje nga Shqipëria ka rrëfyer për jetën dhe karrierën e tij në emisionin “Personale” me Krenare Vokshi-Shala në RTV Dukagjini.
Abazi thotë se dëshira e tij për t’u anëtarësuar në Vetëvendosje, ka filluar krejt rastësisht kur ai ishte befasuar nga një fjalim i Albin Kurtit në televizion.
Ai më pas thotë se kontaktet e para me organizatën kanë filluar në kohën kur aktivistët nga Kosova po diskutonin në Tiranë për Pakon e Ahtisarit.
Abazi thotë se qysh nga shkolla e mesme kishte kontakte me shqiptarët e Kosovës, por periudha e luftës e lidhi edhe më shumë me bashkëkombësit e tij kur në shtëpinë e tij strehoi familjen nga Kosova, transmeton Telegrafi.
Aktivisti tregon se në vitin 2010 është vendosur në Prishtinë, ndërsa familja e tij jeton në Tiranë.
Duke folur për 17 shkurtin e vitit 2008 kur Kosova shpalli Pavarësinë, Abazi thotë se për Lëvizjen Vetëvendosje ai akt ishte një para, por dy mbrapa.
“Ajo shpallje ka pasur disa probleme. Lëvizja Vetëvendosje e kishte quajtur Pavarësinë, një hap para, dy hapa mbrapa sepse lidheshin me Planin e Ahtisarit dhe decentralizimin mbi baza etnike, që edhe sot po ja shohim sherrin. Atë ditë ishte hedhur një lloj baze që kishte thelluar ndarjen mes shqiptarëve dhe pakicës serbe dhe i ka bërë më tepër të lehtë Beogradit që të ndikojë qoftë politikisht apo ekonomikisht në Kosovë. Ky ka qenë shqetësimi ynë [si Vetëvendosje] për Pavarësinë e Kosovë”.
Për flamurin e shtetit të Kosovës, Abazi ka thënë se atij nuk i ngjallë ndonjë emocion pozitiv apo negativ, por ai flamur, sipas tij, nuk përfaqëson popullin e Kosovës.
“Së paku flamuri duhej të hidhet në votë. Ka shumë argumente se edhe Kosova mund të mbante flamurin Kuq e Zi”./Telegrafi/
Promo
Reklamo këtu
Nga Gorenje Department Store
Nga Etna Group
Nga Kosmonte Foods
Nga Bau Market
Lufta Prigozhin - Putin
Më shumë
Nga Rubrika
Një shofer autobusi në Tabanoc tentoi të kontrabandonte monedha me vlerë arkeologjike
Qeveria mban mbledhje elektronike, këto janë tri vendimet
Prokuroria Speciale ngrit aktakuzë kundër një të pandehuri për krime lufte ndaj popullsisë civile në komunën e Malishevës
Granti prej 100 mijë eurove, LDK dorëzon kallëzim penal ndaj Pecit e Pacollit
“E vrava gruan dhe dërgoje një patrullë të Policisë”, aktakuzë ndaj të dyshuarit i cili muaj më parë vrau gruan në Pejë
Astma, bronkiti, tuberkulozi e kanceri i mushkërive, doktoresha Mehmeti flet në podcastin “Shëndeti në rend të parë”
Detaje nga vrasja e djalit të ish-gjyqtarit, gjendet një makinë e djegur në Farkë
Arratisje spektakolare e policit në Gjirokastër, kur mori vesh se do të arrestohej
Kërkojnë zbutje të masës së sigurisë, Apeli i GJKKO vendos për Metën dhe Kryemadhin
