Bill Murray akuzohet për sjellje të papërshtatshme dhe intimitet me një prej femrave të stafit gjatë xhirimeve të “Being Mortal”

Bill Murray është akuzuar për ‘puthje’ dhe ‘prekje’ me një punonjëse femër gjatë xhirimeve të një filmi – duke quar në mbylljen e filmit, sipas raportimeve të medieve amerikane.

Incidenti dyshohet se ka ndodhur në xhirimet e “Being Mortal” në prill, kur Murray dukej se ishte tepër miqësor dhe “seksual” me personelin anonim.

Murray, 72 vjeç, dyshohet se filloi të ‘puthte’ dhe ‘prekte’ trupin vajzës e cila është shumë më e re në moshë, dhe ajo pretendoi se nuk ishte në gjendje të lëvizte për shkak të peshës së tij.

Dëshmitarët pohuan se ylli i “Caddyshack” u përpoq të puthte gruan, por të dy mbanin maska.

Akuzuesja i pohoi Puckut se Murray i mbrojti veprimet e tij duke pretenduar se ato kishin për qëllim të ishin lozonjare, por punonjësi i paidentifikuar “i interpretoi veprimet e tij si tërësisht seksuale” dhe ishte “i tmerruar”.

Rreth një javë pasi publikuam raportin, Murray u shfaq në CNBC dhe mbrojti veprimet e tij, duke pretenduar se xhirimet e filmit u mbyll për shkak të një “ndryshimi mendimesh”.

“Kam pasur një dallim mendimi me një grua me të cilën jam duke punuar. Bëra diçka që mendoja se ishte qesharake dhe nuk u mor në këtë mënyrë”, tha aktori për Becky Quick të CNBC.

Ylli i “Ghostbusters” si arsyetim për gabimin e tij tha se nuk e ka kuptuar se kohët “kanë ndryshuar”.

“Gjërat ndryshojnë dhe kohët kanë ndryshuar. Pra, është e rëndësishme për mua ta kuptoj atë”, tha ai.

Lexo po ashtu Të gjitha lajmet nga Bill Murray

Gruaja dhe Murray përfundimisht arritën një marrëveshje që përfshinte një marrëveshje jo-zbulimi dhe gjithashtu Murray e kishte pagua më shumë se 100,000 dollarë, sipas Puck.

Ajo gjithashtu dyshohet se ka hequr dorë nga të drejtat e saj për çdo veprim ligjor që mund të ketë qenë në gjendje të bënte kundër Searchlight dhe Disney.

Prodhimi i filmit u pezullua nga Searchlight, por asnjë arsye nuk u sqarua nga kompania.

Ky nuk është incidenti i parë i raportuar i sjelljes së keqe në shesh nga Murray. Kohët e fundit, Geena Davis foli për përvojat e saj të këqija me aktorin gjatë realizimit të filmit “Quick Change” në 1989. /Telegrafi/