Bien aksionet e Volkswagen – kompania synon shkurtimin e vendeve të punës

Aksionet e Volkswagen ranë për 3% me analistët që përmendin pasiguri në lidhje me marrëveshjen e uljes së kostove të prodhuesit të automjeteve me sindikatat.

Bëhet e ditur se marrëveshja e së premtes, e konsideruar nga sindikatat si një “mrekulli e Krishtlindjeve”, kërkon më shumë se 35,000 shkurtime të vendeve të punës dhe një reduktim të prodhimit me gati një të katërtën, por pa mbyllje të menjëhershme ose pushime nga puna, përcjell Telegrafi.

“Duke pasur parasysh ritmin e ndryshimit në kompanitë rivale dhe mjedisin konkurrues në sektor, ekziston rreziku që fitimet të vijnë shumë vonë dhe të mos jenë të mjaftueshme”, shkruajnë analistët e ODDO BHF.

Lexo po ashtu Volkswagen arrin marrëveshje, nuk do t'i mbyllë fabrikat në Gjermani

Fitimet e VW gjithashtu nuk kanë gjasa të përmirësohen ndjeshëm vitin e ardhshëm duke pasur parasysh kërkesën e dobët në Kinë dhe tarifat e mundshme pas zgjedhjes së Donald Trump, shtuan ata.

Por, analistët si në Jefferies ashtu edhe në ODDO BHF besojnë se nevojiten më shumë detaje për të kuptuar se si menaxhmenti i VW synon të arrijë shkurtimet e shpallura të vendeve të punës.

Ndryshe, aksionet e Volkswagen kanë rënë me më shumë se 20% këtë vit. /Telegrafi/