Biden zgjodhi si kandidate për nënpresidente një senatore, reagon Clinton dhe Obama

Joe Biden, kandidati demokrat për zgjedhjet presidenciale të SHBA-ve, ka zgjedhur senatoren e Kalifornisë, Kamala Harris, si kandidate për nënpresidente.

Harris 55-vjeçare u zgjodh senatore për herë të parë në vitin 2017 gjersa ka bërë histori pasi është gruaja e parë me ngjyrë dhe prejardhje indiane që do të garojë për postin e dytë më të rëndësishëm amerikan.

Menjëherë pas këtij lajmi kanë reaguar edhe dy ish-presidentët amerikan, Bill Clinton si dhe Barack Obama.

Ky i fundit përmes rrjeteve sociale ka pohuar se “senatorja është më shumë sesa e përgatitur për punën”, duke shtuar se është “një ditë e mirë për vendin tonë”, transmeton Telegrafi.

I’ve known Senator @KamalaHarris for a long time. She is more than prepared for the job. She’s spent her career defending our Constitution and fighting for folks who need a fair shake. This is a good day for our country. Now let’s go win this thing. pic.twitter.com/duJhFhWp6g

— Barack Obama (@BarackObama) August 11, 2020

“Ajo e ka kaluar karrierën duke e mbrojtur Kushtetutën tonë dhe ka luftuar për njerëzit që kanë nevojë për drejtësi. Kjo është një ditë e mirë për vendin tonë. Tani le ta fitojmë këtë gjë”, shkroi Obama në llogarinë personale të Twitterit.

Gjersa ish-presidenti Clinton e quajti Harris një “zgjedhje të frikshme”. “KamalaHarris do të jetë një partnere e shkëlqyeshme dhe me Joe Bidenin do të bëjnë një ekip të fortë”, shtoi më tutje Clinton.

This is a terrific choice! @KamalaHarris will be a great partner and she and @JoeBiden make a strong team.

— Bill Clinton (@BillClinton) August 11, 2020

Theksojmë se kundërshtar të Bidenit dhe Harrisit janë kandidatët republikanë, gjegjësisht presidenti aktual, Donald Trump si nënpresidenti, Mike Pence.

Ndryshe, zgjedhjet presidenciale në Shtetet e Bashkuara të Amerikës do të mbahen më 3 nëntor të këtij viti. /Telegrafi/

https://www.instagram.com/p/CDwyziWhWrW/