Beyonce dhuron rreth 2,4 milionë euro, krijon fond ndihme për viktimat e zjarrit në Los Angeles

Beyonce ka dhuruar 2.5 milionë dollar (rreth 2,4 milionë euro) për të mbështetur viktimat e zjarrit në zonën e Los Angeles-it, duke krijuar një fond ndihme për të ndihmuar ata që janë prekur nga katastrofa.

Ky donacion u bë nëpërmjet fondacionit të saj BeyGOOD, i cili ka hapur një fond specifik për ata që humbën shtëpitë e tyre në komunitetet Altadena dhe Pasadena, si dhe për kishat dhe qendrat komunitare që ofrojnë mbështetje.

Zjarri i Eaton, që shpërtheu të martën e kaluar, ka shkatërruar mbi 14,000 hektarë dhe ka marrë jetën e të paktën 16 personave, shkruan cbsnews.

View this post on Instagram

A post shared by BeyGOOD (@beygood)

Pavarësisht përpjekjeve të zjarrfikësve për të frenuar përhapjen e flakëve, zjarri i fuqishëm është nxitur nga një stuhi e fortë ere, një nga më të fortat që ka goditur Kaliforninë Jugore në një dekadë.

Po ashtu, një zjarr tjetër ka shpërthyer në Palisades Paqësor, duke dëmtuar gjithashtu shtëpi dhe duke djegur afro 24,000 hektarë.

Në një postim në Instagram, BeyGOOD njoftoi donacionin dhe theksoi: “Los Angeles, ne jemi me ju”.

Fondet do të përdoren për të ofruar ndihmë urgjente dhe për të mbështetur rikuperimin afatgjatë të atyre që janë prekur nga zjarret.

Beyonce ka qenë e angazhuar për bamirësi që nga themelimi i BeyGOOD në 2013, duke ofruar ndihmë për situata emergjente, si pasojat e uraganit Ian në Florida.

Po ashtu, institucione të tjera të shquara, si The Walt Disney Company, kanë dhuruar rreth 14 milionë euro për viktimat, ndërsa një grup prej 12 organizatash sportive në Los Angeles ka angazhuar gjithashtu 8 milionë dollarë për të mbështetur përpjekjet e rikuperimit. /Telegrafi/