Ka nisur seanca për shqyrtimin fillestar lidhur me akuzën për spiunazh ndaj Bedri Shabanit dhe Muharrem Qerimit.
I pandehuri Bedri Shabani u shpreh para trupit gjykues se nuk do të deklarohet pa lexuar mirë aktakuzën.
“Pa e lexu njëherë e mirë aktakuzën nuk do të deklarohem", tha ai duke shtuar se i duhet disa ditë.
Avokati i Shabanit, Besnik Berisha fillimisht tha se deklarimi i klientit të tij lidhur me akuzat është i pamundur.
“Deklarimi i klientit tim është i pamundur, pasi pak minuta para se të hyj në sallë atij i është dorëzuar një kopje e aktakuzës. Përveç që është voluminoze kërkon analizë dhe duhet të njoftohet hollësisht në akuzat që e rëndojnë….meqë nuk ka kishte për te vijuar më tutje pasi është e pamundur që kjo akuzë të lexohet”, tha Berisha.
Kurse i pandehuri tjetër Muharrem Qerimi konfirmoi se e ka kuptuar aktakuzën. /Telegrafi/
