Gjatë ditës së sotme (e martë) është shpallur lista e plotë e të nominuarve në MTV Video Music Awards 2023.
Siç është transmetuar, Taylor Swift kryeson me nominime, tetë në kategori të ndryshme.
E nominuar sivjet në MTV VMAs është edhe artistja shqiptare me famë ndërkombëtare, Bebe Rexha.
Foto: Screenshot/Instagram
Ajo lajmin e ka ndarë me fansat në rrjete sociale duke thënë se u nominua për ‘Bashkëpunimin më të mirë’ për këngën “I’m Good (Blue” më David Guettan.
“E nominuar në VMA për bashkëpunimin më të mirë me David Guettan”, ka shkruar ajo.
Foto: Screenshot/Instagram
Biondja vitin e kaluar ka qenë në rolin e prezantueses që po ashtu u mbajt në “Prudential Center” të New Jerseyt.
Ylli me origjinë nga Dibra kujtojmë se ka qenë fituese e një çmimi MTV Video Music Awards në vitin 2019. /Telegrafi/
