Bashkimi i “Friends” shtyhet për vitin 2021, xhirimet u anuluan për shkak të coronavirusit

Bashkimi i parashikuar i “Friends” pritet të shtyhet deri në vitin e ardhshëm për shkak të shpërthimit të coronavirus.

Ky serial pritej të xhirohej nga HBO gjatë muajit mars, por ekipi u detyrua të anulonte një gjë të tillë derisa të qetësohet gjendja në tërë botën.

Prodhuesit shpresonin që xhirimet të zhvilloheshin në muajin maj, që do të thoshte se premiera të vazhdonte në datën origjinale, të planifikuar më vonë në të njëjtin muaj.

Por, The Sun tani ka zbuluar se ribashkimi që  kemi pritur të gjithë nuk ka të ngjarë të ndodhë deri në vitin 2021, pasi pandemia mbetet shqetësim.

Lexo po ashtu Shtyhen edhe xhirimet e “Friends” për shkak të coronavirusit

Sipas tyre, edhe aktorët Jennifer Aniston, Matthew Perry, Courteney Cox, Lisa Kudrow, Matt LeBlanc dhe David Schwimmer, kanë planifikuar oraret e tyre për vitin tjetër.

Edhe një pjesëtar i ekipit të “Friends” kishte treguar se ky vendim është marrë për shkak të pandemisë coronavirus.

“Nëse kufizimet e coronavirusit vazhdojnë deri në maj dhe qershor, i cili po shkon me shumë gjasë në këtë pikë, nuk do të ketë zgjidhje tjetër përveç se të shtyhet deri në vitin e ardhshëm, sepse duket e pamundur të gjesh datat kur të gjithë janë të lirë këtë vit”, ka thënë një burim. /Telegrafi/