Bashkëshortja i kërkon “datën e pushimeve” Bylbyl Sokolit

Bylbyl Sokoli ka një jetë që merret me futbollin. Ai ka qenë ndër futbollistët më të mirë që ka pasur Kosova  gjatë viteve 80-ta.

Sot, Sokoli njihet si njëri ndër trajnerët më të mirë që ka elita e futbollit kosovar.

Ai gjithashtu është i njohur për publikun me analizat e tij në emisionin “Dueli Sportiv” në RTV Dukagjini. Sokoli gjithashtu është mësimdhënës në Universitetin e Prishtinës, në Fakultetin e Kulturës Fizike.

Por, përpos karrierës së tij të lidhur me sportin, ‘profa’ ka edhe një jetë tjetër, i përkushtuar në familje.

Bashkëshortja e Bylbyl Sokolit, rrëfen se ajo e njoftoi Bylbylin në kohën e studimeve, por ata ishin takuar edhe në kohën kur ky i fundit ishte pjesë e Trepçës në Mitrovicë.

Lexo po ashtu Lajmet për Bylbyl Sokolin

Ajo tregon edhe për karakteristikat me të cilat Sokoli e kishte bërë për vete.

“Ka qenë shumë kohë e largët, por e di që Bylbyli ka qene i drejtpërdrejt gjithmonë”, tha ajo.

Bashkudhëtarja e jetës e Bylbyl Sokolit, thotë se futbolli është si çdo profesion tjetër, por sipas saj Sokoli është munduar të mbaj privatësinë larg të tjerëve.

“Futbolli është bërë pjesë e përditshmërisë sonë. Ndonjëherë shoqërohem me të edhe kur askush nuk është në shtëpi”, tregon më tej zonja Sokoli.

Meqë futbolli është sport dinamik, bashkëshortja i ka bërë edhe një pyetje në emision Bylbylit.

“Kur do të shkojmë në atë pushim?!”.

Ndërsa ‘profa’ i është përgjigjur se në pushimet e radhës [të sportit], do të shkojnë në pushime./Telegrafi/