Barcelona po konsideron ofrimin e tre yjeve në këmbim të Neymarit

Klubi i madh katalunas, Barcelona po konsideron ofrimin e tre lojtarëve te Paris Saint-Germain, si pjesë e një marrëveshjeje për ta sjellë Neymarin në Camp Nou.

Reprezentuesi brazilian është lidhur vazhdimin me një kthim në Kataluni, që nga largimi i tij në vitin 2017, për një rekord botëror prej 220 milionë eurosh.

Megjithatë, ai është zhgënjyer me jetën në Francë dhe i ka bërë të qartë klubit se dëshiron të kthehet në Spanjë, përpara sezonit 2019-20 në La Liga.

Lexo po ashtu Neymar ia ka konfirmuar PSG-së se dëshiron të largohet

Sipas njoftimeve në gazetën gjermane Bild, Ernesto Valverde është i hapur për ta rikthyer atë përsëri në klub.

Por, bordi i klubit katalunas nuk është i gatshëm të paguajë çmimin prej 200 milionë eurosh për 27-vjeçarin.

Lexo po ashtu Tri formacionet e mundshme të Barcelonës me "sulmin më të madh të të gjitha kohërave"

Ata janë duke menduar që të ofrojnë Philippe Coutinho ose Ousmane Dembele, por jo të dy lojtarët, si dhe dyshen mbrojtëse Nelson Semedo dhe Samuel Umtiti për të mbuluar tarifën për Neymar.

Coutinho është lidhur me një largim nga Barcelona, ​​pas më pak se 18 muajve në Spanjë, ndërsa Semedo dhe Umtiti mund të gjejnë gjithashtu mundësinë e tyre në ekipin e parë në sezonin 2019-20. /Telegrafi/