Barcelona me njoftim për lëndimin e Dani Olmos, konfirmohet skenari më i keq

Barcelona ka konfirmuar lëndimin e Dani Olmos, pasi reprezentuesi spanjoll çaloi në pjesën e parë gjatë ndeshjes me Osasunan. 

26-vjeçari pësoi një lëndim muskulor, pas ekzekutimit të penalltisë në fitoren me rezultat 3-0 të blaugranasve. 

Olmo ka vuajtur shumë nga lëndimet këtë sezon, duke humbur plotë 10 ndeshje në La Liga, teksa ka marrë pjesë në shumë pak ndeshje në kampionat këtë edicion. 

Mesfushori blaugranas ka luajtur për Spanjën mbrëmjen e së dielës dhe tani do të mungojë në duelet e rëndësishme në Kupën e Mbretit. 

Fillimisht diagnoza parashikonte që ai të mbetej jashtë fushave për 2-3 javë dhe kishte shpresë se do të rikthehet në kohë për duelin e parë ndaj Borussia Dortmundit në Ligën e Kampionëve më 9 prill. 

Sidoqoftë, blaugranasit tashmë kanë njoftuar se ai do të jetë jashtë fushave për tri javë, gjë që do të bëjë që ai të mungojë jo vetëm në ndeshjen e parë, por edhe në atë të kthimit në Gjermani gjithashtu. 

Lexo po ashtu Zbulohet data kur do të merret vendimi përfundimtar për regjistrimin e Dani Olmos

Momentalisht ai pritet që të humbasë këto ndeshje: Girona, Atletico Madrid, Real Betis, Dortmund, Leganes dhe Dortmund. 

Në rast se ndiqet plani i rikuperimit, atëherë ai do të jetë në dispozicion për duelin ndaj Celta Vigos në shtëpi më 19 prill. 

Fatmirësisht për Barcelonën, ky ëshë një pozicion të cilin mund ta mbulojnë disa lojtarë si Raphinha, Pedri, Fermin Lopez, Gavi dhe Pablo Torre./Telegrafi/