Leeds United duket i bindur se nuk do të ngacmohet nga Barcelona për të pranuar një marrëveshje me çmim më të ulët për sulmuesin anësor Raphinha, por agjenti i lojtari, Deco, pritet të luajë një rol vendimtar në këtë histori.
Tashmë një lojtar i rregullt me Brazilin, Raphinha është në një nivel që pak lojtarë të tjerë anësor në futboll mund të pretendojnë se e prodhojnë rregullisht.
Si i tillë, ai ka qenë subjekt i shumë interesimeve nga klubet më të pasura në Angli, por kandidati i parie dhe favorit është sigurisht Barcelona.
Sipas gazetës Sport, Barcelona ka pasur një marrëveshje me lojtarin për një kontratë që nga muaji marsi.
Pika penguese është se Barcelona duket se nuk dëshiron të paguajë tarifën prej 55 milionë eurosh që dëshiron Leedsi.
Klubet e tjera, duke përfshirë Chelsea dhe Liverpool, kanë bërë oferta më të larta prej rreth 65 milionë euro, por këmbëngulja e Decos që klienti i tij duhet të presë Barcelonën ka qenë kyç në mbajtjen e katalunasve në garë.
“Nëse Deco nuk do të ishte përfaqësuesi i Raphinhas, ai do të kishte nënshkruar për Chelsean ose Liverpoolin”, citohet në artikullin e gazetës.
Ka qenë një temë e zakonshme për Barcelonën këtë verë, ku Blaugranët duhet të mbështeten në fuqinë dhe prestigjin e tyre për të tunduar lojtarët, në vend të muskujve të tyre financiarë. /Telegrafi/
