Gjiganti katalunas, Barcelona dëshiron ta përfundoj transferimin e Antoine Griezmann para fillimit të Kupës së Botës, pasi frikësohet nga rritja e çmimit.
Para disa javësh është përfolur shumë se Barcelona ka arritur marrëveshje personale me Griezmann dhe vetëm pritet përfundimi i sezonit për të zyrtarizuar transferimin e tij.
Një gjë e tillë nuk ka ndodhur dhe gara për nënshkrimin e sulmuesit francez vetëm se është shtuar nga ekipe tjera të mëdha evropiane që e duan Griezmannin.
Por, sipas mediumeve spanjolle, Barcelona është përpara Paris Saint-Germainit dhe Manchester Unitedit në garën për të nënshkruar me atë.
Griezmann është njëri nga sulmuesit më të fortë në botë në qarkullim (Getty Images)
Barcelona pritet të thyejë klauzolën e lirimit të tij prej 100 milionë euro këtë verë dhe ta sjell francezin në Camp Nou.
Megjithatë, sipas gazetës spanjolle Sport, Barcelona është e shqetësuar se do të duhet të paguajë më shumë se sa pritej për të nënshkruar me Griezmann nga Atletico Madridi.
Një klauzolë në kontratën e tij do të thotë se vlera e yllit francez mund të rritet nga 100 milionë deri në 140 milionë euro.
Kështu, gjigantët nga Camp Nou dhe vet lojtari shpresojnë të rregullojnë dhe përfundojnë lëvizjen e tij të ardhshme përpara Kupës së Botës. /Telegrafi/
