Barcelona fiton thellë ndaj Elches dhe ngjitet në tabelë

Barcelona ka fituar me rezultat të thellë 3-0 ndaj Elches në ndeshjen e mbetur nga java e parë në La Liga.

Klubi katalunas i është kthyer fitores në kampionat, duke mposhtur Elchen në Camp Nou, pas barazimit ndaj Cadizit në ndeshjen e fundit.

Pjesa e parë e ndeshjes u karakterizua me lojë më të mirë të vendasve, por edhe përkundër rasteve të shumta shifrat mbeten të pandryshuara.

HALFTIME

0️⃣ Barça
0️⃣ Elche

Live analysis: https://t.co/bbVNGXoMPq#BarçaElche pic.twitter.com/qiQJl1sV1H

— FC Barcelona (@FCBarcelona) February 24, 2021

Në pjesën e dytë, Barcelona shtoi rastet dhe lojën e mirë, ndërsa i shënoi edhe tri gola për të siguruar fitoren.

Goli i parë i ndeshjes erdhi pas vetëm tre minutave në këtë pjesë dhe ishte Lionel Messi, i cili shënoi për 1-0 pas një aksioni të bukur dhe asistimi superior me thembër nga Martin Braithwaite.

Ylli argjentinas u tregua vendimtar dhe në minutën e 69-të duke shënuar për 2-0 një gol të bukur pas asistimit të Frenkie de Jong.

Për fitoren dhe rezultatin përfundimtar 3-0 u përkujdes mbrojtësi Jordi Alba, i cili shënoi nga afërsia pas asistimit të Braithwaite.

FULL TIME! pic.twitter.com/fLgeg7tES5

— FC Barcelona (@FCBarcelona) February 24, 2021

Me këtë fitore, Barcelona e sheh veten në pozitën e tretë me 50 pikë apo pesë më pak se Atletico Madridi i pari, ndërsa Elche zë vendin e 19 me 21 pikë.

Në ndeshjen e radhës, katalunasit udhëtojnë te Sevilla, ndërsa Elche udhëton te Granada. /Telegrafi/

https://twitter.com/TotalLeoMessi/status/1364652733324816386

https://twitter.com/Lionel10Team/status/1364657975865053184

https://twitter.com/Tony2wice/status/1364660732256792585