Banesë moderne me mobilie nga paleta druri: Hidhjani një sy dekorit të mrekullueshëm për dy veta

Nëse fantazoni për banesë moderne dhe origjinale në të cilën nuk duhet investim i madh, atëherë kjo shtëpi do t’ju ngazëllejë tërësisht

Mbase duket e çuditshme, mirëpo mobiliet nga paleta druri janë trend i vërtetë.

Në këtë banesë divani dhe krevati i gjumit janë bërë nga paleta druri, mirëpo do ta keni gabim nëse menjëherë mendoni që janë të parehatshëm.

Sipër paletave vendosen dyshekë të mëdhenj apo jastëk të vegjël, ashtu që pjesët e paletës të mbulohen, ndërkaq do të keni mobile origjinale dhe të rehatshme.

Këtë truk mundeni edhe ju lehtë ta provoni në banesën tuaj – do të keni një ndryshim të bukur, por edhe nuk do të shpenzoni shumë para, transmeton Telegrafi.

Lexo po ashtu Shfrytëzoi orenditë e viteve të 70-ta, transformoi enterierin e banesës sikur në një kohë që stili e ka harruar

Tërë banesa është e kombinuar me ngjyrë të zezë dhe të bardhë, ndërsa detajet, lulet dhe karriget ngjyrë të kaltër thyejnë monotoninë.

Dozë të veçantë elegance japin tullat e bardha në mure. Në pjesën e poshtme të banesës gjenden dhoma e ditës, trapezaria dhe kuzhina në një hapësirë, por i ndan vetëm muri mbështetës.

Poshtë është banja, mirëpo kur ngjitni shkallët ju presin dhoma e madhe e gjumit dhe banja me kabinë të madhe dushi nga xhami i tejdukshëm.

/Telegrafi/