Bairi, Shipoli dhe Ilirida e mbështesin Valdete Idrizin

Qytetarët e Bairit, Shipolit dhe Iliridës i kanë dhënë mbështetje të fuqishme, kandidates së PDK-së për kryetare të Komunës së Mitrovicës, Valdete Idrizit. Gjatë takimeve që ka zhvilluar në këto lagje, është vërejtur një mobilizim sikur asnjëherë më parë për ta mbështetur një kandidat për kryetar të komunës.

Idrizi e cila në takime shoqërohej edhe nga kryetari i Degës së PDK-së në Mitrovicë, Avni Kastrati, ka thënë se mbështetja e madhe që po i ofrohet nga qytetarët e bën të ndjehet shumë e fuqishme dhe tepër e motivuar për të vazhduar përpara. “E kemi nisur një projekt të përbashkët me qytetarët e Mitrovicës, për ta ndryshuar Mitrovicën për të mirë, prandaj edhe entuziazmi është kaq i madh”, tha ajo.

Sipas saj, qytetarët e kanë kuptuar se me fitoren e saj fitojnë të gjithë, prandaj fitorja tashmëështë e sigurt dhe e fuqishme. “Qytetarët nuk duan politikanë që merren me veten e tyre, që shkëputen dhe nuk jetojnë me realitetin e njerëzve të thjeshtë. Ata duan një kryetare që jeton me ta, që bashkëndjen me ta, që punon me ta dhe sukseset i arrin bashkë me ta”.

Në kuadër të fushatës për zgjedhjet e 22 tetorit, kandidatja e PDK-së për kryetare të Komunës së Mitrovicës, Valdete Idrizi, ka zhvilluar edhe vizita dhe takime në lokalitete tjera, ku gjithashtu ka hasur në një pritje madheshtore.