Avokati i Britney Spears reagon pas raportimeve se ajo përdor drogë dhe se mund të ketë fundin si Amy Winehouse

Avokati i Britney Spears, Mathew Rosengart, ka reaguar për një raportim ‘të rremë dhe shpifës’ që lidhet me këngëtaren e “Toxic” për përdorimin e një lloj droge (METH).

Thuhet se i njëjti i dërgoi një letër ligjore DailyMail të dielën, në të cilën i kërkoi të bëhet një hetim në lidhje me shfrytëzimin e fëmijëve të mitur të Spears, Sean Preson dhe Jayden, që i ndan me ish-bashkëshortin e saj, Kevin Federline.

“Daily Mail, përmes Daphne Barak, postoi dje një histori që përmbante trillime të shumta të rreme dhe shpifëse në lidhje me klienten time Britney Spears që i atribuohen Kevin Federline dhe fëmijëve të tij, veçanërisht në lidhje me METH”, fillonte letra.

Rosengart vuri në dukje se Federline, i cili ishte i martuar me Spears, 41 vjeçe nga 2004 deri në 2007, “e pranoi falsitetin e historisë me Barak”.

Lexo po ashtu Familja e Britney Spears në frikë pasi pretendojnë se këngëtarja përdor metafetaminë dhe se do të vdesë si Amy Winehouse

“Kam mësuar veçmas se në disa raste, Barak kërkoi të kontaktonte Britneyn me pretendime të rreme, përsëri fëmijët e saj të mitur, gjë që është shfrytëzuese dhe ngacmuese”, vazhdoi letra e avokatit.

Letra përfundonte, “Britney është me të vërtetë një figurë publike, por kjo është plotësisht e papranueshme”.

Reagimi u bë pasi u tha se familjarët janë të shqetësuar për Britney për shkak të METH si dhe mund të përfundojë sikurse Amy Winehouse.

Metamfetamina ndryshe është një drogë sintetike në formën e pluhurit, të tabletave ose kristaleve që ngjajnë me copëza qelqi të thyer. /Telegrafi/