ATK: Po pranojmë shumë kërkesa për t’u pajisur me certifikatën e lëvizjes, kemi mbingarkesë në sistemin EDI

Administrata Tatimore e Kosovës njofton të gjithë tatimpaguesit se sistemi EDI është duke funksionuar, mirëpo për arsyeje të mbingarkesës për t’u pajisur me certifikata të të punësuarve po shfaqen pengesa.

Sipas ATK-së, vetëm brenda tre minutave në EDI janë mbi 5 minë kërkesa.

“ATK kërkon mirëkuptimin tuaj, pasi që jemi duke punuar në rritjen e kapaciteteve, në mënyrë që secili nga ju të ketë mundësin, që në kohë reale të nxjerr certifikatën e të punësuarve sipas vendimit të Ministrisë së Shëndetësisë 226/IV/2020, datë 14.04.2020, për parandalimin, luftimin dhe eliminimin e sëmundjes ngjitëse në komuna të Kosovës”, njofton ATK.

Më herët qytetarë të shumtë kanë raportuar në Telegrafi, se nuk po munden të kyçen në EDI për t’u pajisur me certifikatën e lëvizjes.

Lexo po ashtu ATK tregon detajet se si bizneset duhet t'i pajisin punëtorët me certifikatën e lëvizjes

Po ashtu, ATK thotë se, shkarkimi i “Certifikatës për të punësuarit”, përmes EDI-të do t’ju mundësohet vetëm shoqërive tregtare të cilët janë të regjistruara në Agjitacionin për Regjistrimin e Bizneseve në Kosovë (ARBK) dhe kodin e veprimtarisë primar ose sekondar e kanë të lejuar sipas MEPTINIS. /Telegrafi/