Artikuj të konvertuar në Zë nga AI: Business Magazine Albania bashkëpunon me Nullius in Verba për të sjellë Inovacion në mënyrën si konsumojmë pëmbajtjen

Business Magazine Albania, një platformë mediatike lider e dedikuar për sipërmarrjen, inovacionin dhe rritjen, njofton me krenari bashkëpunimin ekskluziv me Nullius in Verba, startup-in pionier të teknologjisë AI. Ky bashkëpunim ka për qëllim të transformojë mënyrën se si lexuesit angazhohen me përmbajtjen, duke integruar teknologjinë e avancuar AI për të konvertuar Tekstin e shkruar në Zë duke nisur që nga ky edicion i 35 i revistës print , që pritet të lançohet të martën e ardhshme.

Gerti Boshnjaku, Themelues dhe Drejtues i Business Magazine Albania, ndau entuziazmin e tij për këtë bashkëpunim: “Jemi të lumtur të sjellim këtë zgjidhje inovative për audiencën tonë. Duke përdorur teknologjinë e përparuar të Neura, ne jo vetëm po përmirësojmë aksesueshmërinë por edhe po ndryshojmë mënyrën e konsumimit të përmbajtjes në mediat në Shqipëri. Ky hap përputhet në mënyrë perfekte me misionin tonë për të mbështetur dhe promovuar sipërmarrjen dhe inovacionin në rajon.”

Nullius in Verba, i njohur si një nga finalistët për ICT Awards 12 dhe fituesi i Programit të Akseleratorit Uplift, ka zhvilluar Neura, një platformë revolucionare e fuqizuar nga AI. Kjo platformë mundëson konvertimin e thjeshtë të tekstit në audio dhe audio në tekst, duke e bërë përmbajtjen të aksesueshme për një audiencë më të gjerë.

Ergys Malo, Themelues i Nullius in Verba, komentoi: “Qëllimi ynë me Neura është të revolucionarizojmë mënyrën se si njerëzit ndërveprojnë me përmbajtjen e shkruar. Bashkëpunimi me Business Magazine Albania na lejon të tregojmë potencialin e teknologjisë sonë në një aplikim real. Jemi të emocionuar për mundësitë që ky bashkëpunim sjell, veçanërisht në bërjen e informacionit më të aksesueshëm për të gjithë.”

Një Arritje e Re për Integrimin e Medias me Teknologjinë AI

Ky bashkëpunim shënon një arritje të rëndësishme në industrinë e medias, duke ofruar një dimension të ri të aksesueshmërisë dhe komoditetit. Lexuesit e Business Magazine Albania tani mund të dëgjojnë artikujt me zë ndërsa janë në lëvizje, qoftë duke udhëtuar, duke ushtruar, apo thjesht sepse preferojnë një format audio. Ky inovacion adreson nevojën moderne për multitasking dhe për ndjekjen e informacion të vazhdueshëm pa kufizimet e kohës së ekranit.

Përmirësimi i Përvojës së Përdoruesit me AI

Kapacitetet AI të Neural sigurojnë që përmbajtja audio të ruajë besnikërinë e lartë ndaj tekstit origjinal, duke ofruar një përvojë të pa provuar më parë të dëgjimit. Teknologjia jo vetëm konverton tekstin në zë, por gjithashtu inkorporon përpunimin e gjuhës natyrale (NLP – Natural Language Processing) për të ofruar audio të qartë dhe pa gabime, duke përmirësuar përvojën e përdoruesit.

Përkushtimi ndaj Inovacionit dhe Akses më përfshirës

Business Magazine Albania ka qenë në pararojë të promovimit të startupeve dhe sipërmarrësve inovatorë që nga viti 2015. Duke adoptuar teknologjinë e Neura, revista vazhdon të japë shembull, duke demonstruar përkushtimin e saj për të integruar dhe paraqitur e para teknologjitë e reja.

Boshnjaku shtoi: “Ne besojmë në fuqinë e inovacionit për të nxitur rritjen dhe zhvillimin. Duke përfshirë Neura në platformën tonë, ne po vendosim një standard të ri për angazhimin me pëmbajtjen dhe aksesin në media në Shqipëri”.

Rreth Business Magazine Albania

Business Magazine Albania është një platformë mediatike e shquar e fokusuar tek sipërmarrja, inovacioni dhe zhvillimi ekonomik. Që nga viti 2015, ka qenë burim inspirimi dhe edukimi për audiencën e saj përmes artikujve të thelluar, intervistave dhe programeve mbi modelet e suksesshme të biznesit dhe startupeve të reja.

Rreth Nullius in Verba

Nullius in Verba është një startup inovativ që krijon zgjidhje të avancuara që ndërthurin teknologjinë me jetën e përditshme. Produkti i tyre kryesor, Neura.al, shfrytëzon fuqinë e AI për të konvertuar tekstin në zë, duke e bërë përmbajtjen e shkruar të aksesueshme dhe të angazhuar në format audio. Startup-i është i njohur për kontributet e tij inovative, duke përfshirë nominimet për ICT Awards 12 dhe fitimin e Programit të Akseleratorit Uplift.

Për më shumë informacion, ju lutem vizitoni:

– Business Magazine Albania

– Nullius in Verba

Kontakt

Business Magazine Albania:

Email: marketing@businessmag.al

Telefon: +355 67 20 11 531

Nullius in Verba:

Email: admin@niv.al

Telefon:  +355 69 264 2692

Ky bashkëpunim pritet të vendosë një standard të ri në peizazhin mediatik, duke kombinuar forcat e AI dhe gazetarisë inovative për të ofruar përmbajtje në një format të përshtatshëm dhe të aksesueshëm.