Arthur nuk është i bindur për shkëmbimin me Pjanicin

Juventusi dhe Barcelona po përgatisin një shkëmbim kokë më kokë midis mesfushorëve Arthur Melo dhe Miralem Pjanic, por braziliani nuk është ende i bindur.

Pasi gazeta Mundo Deportivo raportoi të martën se Barcelona i kishte dhënë të drejt Juventusit për të folur me Arthur, duke sugjeruar që klubet tashmë kishin rënë dakord për një marrëveshje në parim.

Tani La Gazzetta dello Sport dhe Tuttosport raporton që propozimi për të cilin ranë dakord ishte një shkëmbim midis mesfushorëve, Pjanic, i cili do kalonte në Camp Nou dhe Arthur në Juventus Stadium.

Lexo po ashtu Barcelona i jep leje Juventusit që të negociojë me Arthur

Ekzistojnë dy çështje që janë në rrugë e sipër, më e madhja prej të cilave është që Arthur nuk dëshiron të largohet nga Barcelona, ​​pasi 23-vjeçari u bashkua nga Gremio për 31 milionë euro vetëm në verën e 2018.

Mesfushori brazilian bëri 23 paraqitje në të gjitha garat këtë sezon, duke shënuar katër gola dhe katër asistime.

Prandaj Barcelona shpreson që duke folur drejtpërdrejt me të, Juve mund ta bindë lojtarin të pranojë transferimin.

Çështja tjetër sipas Tuttosport është gara për nënshkrimin e Arthurit nga Paris Saint-Germain, i cili do të ishte i gatshëm të ofronte Leandro Paredes si pjesë e një marrëveshje shkëmbimi.

Lexo po ashtu Interi kërkon nga Barcelona ta përfshijë Arthurin në ofertën për Lautaron

Interi besohet gjithashtu se është i interesuar për Arthurin, si pjesë e ofertës së Barcelonës për Lautaro Martinez, por përsëri braziliani nuk është i etur të pranojë një largim larg Camp Nou.

Shkëmbimet duket se janë rendi i ditës për Juventusin, i cili është gjithashtu në bisedime me Manchester Unitedit për Paul Pogba, ku mund të përfshijnë Douglas Costa ose Alex Sandro në një shkëmbim të mundshëm. /Telegrafi/