Arsenali rivalizon Realin dhe Barçën për transferimin e Fekirit

Gjiganti i Ligës Premier, Arsenali i është bashkuar skuadrave të mëdha evropiane në garën për të fituar shërbimet e yllit të Lyonit, Nabil Fekir.

Mesfushori me tipare sulmuese francez po befason të gjithë me rendimentin e tij në sezonin e fundit, sidomos këtë 2017-18.

Paraqitjet e mira me Lyonin, golat dhe asistimet e shumta kanë bërë që skuadrat më të mëdha të vihen pas shërbimeve të tij.

Lexo po ashtu Zidane dëshiron Fekirin te Reali

Gjiganti spanjoll, Real Madridi e ka vendosur në radarin e tyre Fekirin, me trajnerin Zinedine Zidane që e do në skuadër.

Fekir gjithashtu është gjurmuar nga Barcelona këtë sezon si një alternativë ndaj yllit të Liverpoolit, Philippe Coutinho, nëse transferimi i tij në Camp Nou dështon.

Sipas mediumit spanjoll Don Balon, edhe gjiganti anglez, Arsenali është i interesuar për të nënshkruar me yllin francez.

Lexo po ashtu Enigma që Barcelona kërkon ta zgjedh në dimër, apo më së largu në verë

Arsenali po eksploron mundësinë e një marrëveshjeje gjatë janarit për Fekirin, i cili mund të zëvendësojë Alexis Sanchezi nëse ai do të shitet.

Në rastin e Realit, ata do të preferonin të prisnin deri në qershor për të bërë biznes me Lyonin, e cila mund të përfshinte edhe Mariano Diazin, me Zidanen e hapur për ri-nënshkrimin e ish-sulmuesit të Castillas. /Telegrafi/

https://www.youtube.com/watch?v=9RnQrNFldag