Arritjet historike të Ballkanit e lartësojnë futbollin e Kosovës në renditjen e UEFA-s, vazhdon rënia e Shqipërisë

Futbolli i Kosovës po vazhdon të ngjitet në ranglistën e UEFA-s për ligat më të mira në Evropë.

Liga kryesore e vendit tonë duhet t’i falënderohet Ballkanit për këtë ngjitje të vazhdueshme, pasi ecuria e tyre në Ligën e Konferencës ka sjell rezultate pozitive në të gjitha aspektet.

“UEFA Calculator” ka sjell renditjet e fundit të të gjitha ligave, derisa Albi Mall Superliga e Kosovës renditet si e 33-ta në Evropë.

Fillimisht, futbolli ynë ishte në vendin e 36-të, më pas në të 34-in, duke u ngjitur më pas për një pozitë më lartë.

Ballkani ia doli të shkonte deri në fazën e grupeve të Ligës së Konferencës dhe sipas UEFA-s është klubi më i mirë në vendin tonë.

Një ecuri e keqe ishte për Llapin, derisa shtëpia e futbollit evropian e ka vlerësua si më të dobëtin në aspektin e garave evropiane.

Përveç Ballkanit, Drita ia doli po ashtu që të kalonte një raund në garën më të re të UEFA-s, por ishte e pa fat – pasi u përball me një kundërshtar të fortë si Antwerp.

Në anën tjetër, Gjilani dhe Llapi u eliminuan në raundin e parë të Ligës së Konferencës, duke e lënë skuadrën nga Suhareka të garonte e vetme nga futbolli kosovar në këtë kompeticion.

Vlen të cekte se Shqipëria po vazhdon të ketë rënie në renditjen e UEFA-s, pasi aktualisht pozicionohet në vendin e 49-të. /Telegrafi/

Updated coefficient. pic.twitter.com/n5IpIPjT5I

— UEFA Calculator (@UEFACalculator) November 4, 2022