Arrestohet pengmarrësi egjiptian, mister fati i marinarëve shqiptarë

Pas gjetjes së peshkarexhës shqiptare “Çelepia 2” e cila prej më shumë se dy javësh ishte nisur nga Durrësit me dy marinarë shqiptarë, autoritetet në Egjipt kanë vënë në pranga Adel Mohamed Selam, i cili kishte mbajtur peng shqiptarët.

Peshkarexha u gjet në brigjet e Aleksandrisë në Egjipt ka ardhur arrestimi i egjiptianit Adel Mohamed Salam pengmarrësi i dy marinarëve shqiptarë, 54-vjeçarin Dhimitër Maltja dhe durrsakun Luan Mema.

Salam është arrestuar për llogari të Interpol Tirana dhe me qëllimin për ta ekstraduar në Shqipëri.

Peshkarexha u gjet këtë të martë pas ditëve të tëra ku egjiptiani kërcënonte përmes telefonit se do të digjte anijen bashkë me shqiptarët nëse pronari i anijes nuk i paguante 70 mijë euro. Anija prej ditësh qëndronte në ujërat ndërkombëtar dhe kishte fikur GPS-in që mund të gjente vendndodhjen e saj.

Nuk dihet akoma fati i Luan Mema dhe Dhimitër Malajt, të rrëmbyer nga Adel Salam. Arrestimi i Salam pritet të hedhë dritë mbi vendndodhjen e dy marinarëve shqiptarë. Kujtojmë që anija humbi sinjalin nga bregdeti shqiptar disa ditë më parë.

Hetimi po vazhdon për të gjetur dy marinarët shqiptarë nga Durrësi, ndërsa me arrestin e pengmarrësit egjiptian dhe dëshminë që ai do të japë pritet të hidhet dritë me këtë ngjarje të mbuluar nga misteri për të cilën policia shqiptare është mjaftuar vetëm me një njoftim zyrtar, ditën kur u denoncua zhdukja e anijes.