Arrestohet një gardian nga burgu hetues “Shkupi”

Departamenti për luftim të krimit të organizuar dhe serioz ka ngritur paraqitje penale kundër personit M.K. (22) nga Shkupi, i punësuar si gardian i ri për sigurim të brendshëm dhe të jashtëm në Institutin ndëshkues-përmirësues „Shkupi“ për shkak të ekzistimit të bazës për dyshim për vepër të kryer penale „mitë-marrje“, transmeton Telegrafi Maqedoni.

Ai duke e shfrytëzuar pozitën e tij zyrtare me qëllim të përfitimit të dobisë së paligjshme pronësore, ka pranuar premtim për shpërblim – mitë nga deri më tani vlerë të papërcaktuar nga personi N.A. (baba i një personi të burgosur) që të kryejë veprim zyrtar të cilën nuk lejohet ta bëjë, respektivisht të burgosurit Sh.A. ti jep aparat telefonik të cilin të burgosurit nuk lejojnë ta kenë.

Për këtë qëllim M.K. ka realizuar një takim me personin N.A. nga i cili ka marrë një aparat telefonik me qëllim t’ia dorëzojë të burgosurit Sh.A. Të njëjtën ditë rreth orë 1.05 nga ana e personave kompetent nga INP „Burgu Shkupi“- Shkup është bërë kontroll, dhe te M.K. janë gjetur dy telefona celular dhe bankënotë në vlerë prej 50 euro. Nga ana e gjykatësit të procedurës paraprake i është përcaktuar masë paraburgim prej 30 ditësh./Telegrafi/