Apple pritet të lëshojë iPhone 12 javën e ardhshme në ngjarjen e saj më të rëndësishme të vitit – ja gjithçka që planifikohet të shohim

Apple njoftoi dy Apple Watches të rinj muajin e kaluar, dhe këtë muaj ka planifikuar lëshimin e iPhone-ve të rinj.

Kompania po zhvillon një ngjarje më 13 tetor, ku pritet gjerësisht të zbulojë katër iPhone të rinj dhe ndoshta një HomePod të ri.

Prezantimi i iPhone 12 pritet të jetë prezantimi kryesore gjatë ngjarjes së madhe të Apple. Apple zakonisht zbulon telefonat e saj të mençur në shtator, por iu desh të vononte prezantimin e tyre  përshkak të pandemisë COVID-19, transmeton Telegrafi.

Publikimi i këtij viti pritet të jetë veçanërisht i madh për Apple. Disa analistë presin që ky të jetë një cikël kryesor i azhurnimit pasi miliona iPhone në përdorim në të gjithë botën vazhdojnë të ‘plaken’.

Këtu është një vështrim nga afër i asaj që ne presim të shohim nga ngjarja e ardhshme e prezantimit të Apple.

Formacioni i iPhone 12

Ylli i shfaqjes do të jetë iPhone, i cila pritet të përbëhet nga katër modele: një iPhone 12 “Mini” 5,4 inç, një iPhone 12 standard 6,1 inç, iPhone 12 Pro 6,1 inç dhe një 6,7 -inç iPhone 12 Pro Max. Kjo sipas rrjedhjeve dhe raporteve të ndryshme që kanë dalë gjatë vitit të kaluar nga analisti i TF International Securities Ming-Chi Kuo, Mark Gurman i Bloomberg dhe Debby Wu, dhe së fundmi, një analist i njohur si “Kang”.

Të gjithë modelet pritet të mbështesin lidhjen 5G dhe thuhet se do të shfaqin një dizajn të ri të frymëzuar nga skajet e sheshta.

Rrjeti 5G në Apple

CEO i Apple Tim Cook tha që nga janari i vitit 2020 se 5G ishte ende në fazat e tij të hershme.

“Në lidhje me 5G, ne jemi në fillimet e para të vendosjes së tij në një bazë globale”, tha Cook.

Megjithëse prodhuesit e telefonave si Samsung kanë lansuar disa telefona me mundësi 5G, rrjeti është ende larg përhapjes. Rrjeti 5G i Verizon, për shembull, është i disponueshëm vetëm në pak më shumë se 30 qytete në të gjithë Shtetet e Bashkuara. Edhe në ato qytete, 5G mund të gjendet vetëm në zona të caktuara.

Ndoshta një HomePod i ri më i lirë

Ka disa produkte të reja që thuhet se janë në listë për tu prezantuar nga Apple, duke përfshirë një palë kufje premium mbi vesh dhe një aksesor për gjurmimin Bluetooth të quajtur AirTags. Apple gjithashtu tha më parë se kishte në plan të prezantonte kompjuterin e saj të parë Mac që funksionon në silicin Apple.

Por analistët mendojnë se në këtë ngjarje pritet të prezantohet edhe një HomePod të ri dhe më të lirë. /Telegrafi/