Apple lanson në qetësi dëgjueset e reja AirPods Pro, sjellin anulimin e zhurmës

AirPods të Apple janë shitur me shumë sukses, pavarësisht se shumë talleshin me dizajnin e tyre. 

Suksesi është kryesisht për shkak të lehtësisë së përdorimit të kufjeve dhe besueshmërisë së lidhjes. 

Sidoqoftë, ishte e diskutueshme nëse ishin saktësisht kufjet me zërin më të mirë dhe konkurrenca dukej se po fitonte një avantazh me karakteristika shtesë.

Tani duket sikur Apple është gati të luftojë kundër tyre, sepse kompania ka njoftuar zyrtarisht AirPods Pro, të përfolur gjatë, që do të ofrojnë një dizajn të ri, cilësi më të mirë të zërit dhe anulimin e zhurmës.

Apple gjithashtu i ka bërë ato rezistente ndaj ujit dhe djersës, duke i bërë shoqërues më të mirë për ata që duan t’i përdorin dëgjueset në palestër. 

AirPods Pro të ri do të kenë edhe dy mikrofona të ndërtuara në to, gjë që ndihmon në veçorinë e anulimit të zhurmës. 

Apple po mburret gjithashtu se kufjet do të shfaqin përdorimin e EQ Adaptive, tipar që automatikisht akordon tingullin nga kufjet, në bazë të formës së veshit të përdoruesit. 

Për sa i përket jetëgjatësisë së baterisë, AirPods Pro thuhet se mund të ofrojë gjithsej rreth 24 orë kohë dëgjimi, dhe gjithashtu do të vijë me një kuti ngarkimi që mbështet karikimin pa tel. 

Sipas thashethemeve, AirPods Pro të reja nuk do të jenë të lirë, kushtojnë 250 dollarë dhe mund të porositen përmes faqes së internetit të Apple. /Telegrafi/