AP për fillimin e formimit të institucioneve në Kosovë: Ekonomia, pandemia dhe korrupsioni, sfidat kryesore për qeverinë e re

Parlamenti i sapozgjedhur i Kosovës ka mbajtur sot seancën e parë dhe gjatë ditës pritet të votohet edhe për kryeministrin e ri.

Dhe një lajm i tillë, përveç mediave vendase është mbuluar edhe nga media të ndryshme botërore, përcjell Telegrafi.

Siç edhe kujtojnë mediat, formimi i institucioneve të reja vjen pas zgjedhjeve të 14 shkurtit në të cilin fituese doli Lëvizja Vetëvendosje e Albin Kurtit.

Në këtë drejtim, Associated Press, kujton një deklaratë të Albin Kurtit në të cilën ai thotë: “Unë pres që ai (Konjufca) të më dërgojë ftesën për formimin e qeverisë. Unë i di emrat e ministrave të rinj dhe së shpejti edhe ju do të jeni në dijeni”.

Ndërkohë që Konjufca “përjashtoi një seancë të re pas disa orësh”.

“Ringjallja e ekonomisë së Kosovës, duke përfshirë zvogëlimin e papunësisë, si dhe menaxhimin e pandemisë së coronavirusit, krimit të organizuar dhe korrupsionit mbeten sfidat kryesore për qeverinë e re”.

“Një përparësi tjetër është rifillimi i negociatave për normalizimin e lidhjeve me Serbinë fqinje, të cilat ngecën vitin e kaluar dhe nuk figuron lart në agjendën e Kurtit, pavarësisht presionit ndërkombëtar”, shkruan ndër tjerash AP. /Telegrafi/