Ylli i Manchester United, Antony, shkoi të hënën në stërvitjen e klubit me një Lamborghini 380 mijë eurosh - vetëm një javë pasi u raportua se u përplas me BMW-në e tij në natën e Vitit të Ri.
Sulmuesi brazilian, i cili i kushtoi Unitedit 93 milionë euro - thuhet se e ka përplasur BMW-në e tij X6 në punimet rrugore në M56 pranë shtëpisë së tij në Hale, Greater, Manchester, ndërsa po voziste në një mot me shi.
Antony ishte i tronditur - me policinë që u thirr menjëherë në vendin e ngjarjes - ku anësori kaloi një test të alkomatorit, përpara se t’i merrej makina, megjithëse askush tjetër nuk ishte i përfshirë në incident.
Antony në stërvitje me Lamborghini
“Ishte errësirë dhe lagësht dhe ai bëri një gabim”, tha një burim për gazetën The Sun.
Ai u trondit, por fatmirësisht askush tjetër nuk ishte i përfshirë dhe ai nuk u lëndua.
Foto: Getty Images
22-vjeçari duket se ka një koleksion mjaft mbresëlënës të makinave, ndërsa kësaj radhe shkoi në ushtrime me Lamborghini.
Pas incidentit, ai kishte dhënë një deklaratë me fjalët: “I jam shumë mirënjohës Zotit që e la këtë pas meje tani, mirënjohës për klubin, për lojtarët dhe për menaxherin. Të gjithë qëndruan pranë meje”.
BMW e Antony
“Ishte një moment vërtet i vështirë për mua. Por Zoti ka qenë gjithmonë në anën time dhe i jam mirënjohës edhe familjes sime. Këtë gol ua dedikoj atyre, në momente të tilla e dini se kush ju do vërtet”, tha ai. /Telegrafi/
Antony
