Angelovska: Nga sot 117.000 qytetarë do të marrin vauçer për turizëm

Nga sot, 117.000 qytetarë do të marrin vauçer për turizëm, të cilët do të mund të përdoren deri më 15 dhjetor të këtij viti. Lëshimi i kartë pagesave, të cilat do të merren nga rreth 324.500 qytetarë, filloi dje përmes bankave. Rreth 50.000 karta janë lëshuar nga bankat deri më tani, ndërsa deri më 18 korrik, do të jepen të gjitha kartat që mund të përdoren deri më 15 gusht, tha sot ministrja e Financave Nina Angelovska, përcjell Telegrafi Maqedoni.

Këto masa janë pjesë e paketës së tretë të masave anti-krizë që synojnë rigjallërimin e ekonomisë. Ata kanë qëllime të qarta dhe kanë për qëllim dhënien e efekteve të shumta si për qytetarët ashtu edhe për ekonominë. Këto efekte janë mbështetja financiare për qytetarët, ekonomia, vetëdijesimi për blerjen e produkteve vendase, prezantimi i subjekteve joformale në ekonominë formale, si dhe ulja e burokracisë (de-burokratizimi i proceseve që na mundësojnë teknologjia).

Duhet të theksoj se përveç mbështetjes financiare, këto masa kishin për qëllim të kontribuojnë në shumë nivele të tjera. Një prej tyre është ulja e ekonomisë joformale, e cila ka qenë një problem i ekonomisë së Maqedonisë për shumë vite”, tha Angelovska në konferencën e sotme për shtyp.

Vauçerët vlejnë më shumë se 10 milion euro, ndërsa kartë pagesat vendase kapin vlerën e 28 ​​milion eurove.

Masa parashikon që të gjithë qytetarët e punësuar që kanë të ardhura që nuk kalojnë më shumë se 15.000 denarë në muaj, të marrin vauçerë prej 6.000 denarëve që do mund t’i përdorin në ndonjë nga kapacitetet turistike të vendit, por edhe një kartelë pagese prej 3.000 denarëve që mund ta përdorin në të gjitha objektet gastronomike.

Qytetarët mund të kontrollojnë nëse janë fitues të vauçerit për turizëm vendas me vlerë 6,000 denarë përmes uebfaqes www.domasiedoma.gov.mk./Telegrafi/