Angelina Jolie mezi i mbajti lotët në fjalimin emocionues për dhunën ndaj femrave

Angelina Jolie ka bërë një vizitë në Capitol Hill të mërkurën për të ndihmuar një grup të senatorëve të prezantojnë një version të ri të Ligjit për dhunën ndaj femrave në SHBA, ndërsa mezi i ka mbajtur lotët në fjalimin e saj emocional.

Aktorja, e cila në Washington mori edhe vajzën e saj, Zahara, u pushtua nga emocionet kur iu drejtua gazetarëve në konferencën për shtyp dhe dënoi “heshtjen” e Kongresit për këtë çështje, sepse ata nuk e kishin miratuar sërish draftin për gati një dekadë.

“Më së shumti dua t’i nderoj fëmijët që janë të tmerruar dhe vuajnë në këtë moment, si dhe për shumë njerëz për të cilët ky ligj vjen shumë vonë”, tha aktorja me një zë që dridhej.

An emotional Angelina Jolie appeared on Capitol Hill to join senators in announcing they've found a path forward on reauthorization of the Violence Against Women Act. https://t.co/tUelXON9C3 pic.twitter.com/skwAqKErkL

— ABC News (@ABC) February 10, 2022

“Femrat që kanë kaluar nëpër këtë sistem me pak ose aspak mbështetje, vazhdojnë të vuajnë dhimbje dhe trauma për shkak të abuzimit. Të rinjtë që i kanë mbijetuar abuzimit dhe janë bërë më të fortë, jo për shkak të sistemit të mbrojtjes së fëmijëve, por përkundër tij”.

Lexo po ashtu Angelina Jolie poston letrën prekës të një gruaje afgane: Ju lutem sigurohuni që ato të mos harrohen

“(Dua t’i nderoj) edhe femrat dhe fëmijët të cilët kanë vdekur, ndërsa kanë mundur të shpëtohet”, ka vazhduar bukuroshja hollivudiane. /Telegrafi/