Trajneri i Real Madridit, Zinedine Zidane, ka folur para ndeshjes kundër Juventusit në çerekfinale të Ligës së Kampionëve.
Francezi beson te fitorja edhe pse Zonja e Vjetër është përmirësuar këtë vit.
"Është një përballje speciale, sepse Real Madridi dhe Juventusi janë dy skuadra që kanë dhënë shumë”, ka thënë Zidane për UEFA.com.
"Por, posa të fillojë ndeshja unë nuk do ta mendoj këtë, vetëm se çfarë të bëjë për ta fituar ndeshjen".
"E dimë se ndeshja ndaj Juventusit do të jetë e vështirë pasi ata janë përmirësuar prapë këtë vit. Duhet të luash mirë në rast se dëshiron të kualifikohesh".
"Kjo skuadër ka rezultate të jashtëzakonshme dhe do tani do tentojmë ta mbajmë këtë traditë. Kemi shanse ta fitojmë prapë dhe të mbrojmë titullin", ka thënë Zidane.
Zonja e Vjetër pritet të ketë mungesa në fazën mbrojtëse, por jo dhe Los Blancos. /Telegrafi/